കൊല്ലം: അനശ്വരനടന് ജയന്റെ അനുസ്മരണദിനത്തില് ഓലയില് അദ്ദേഹത്തിന്റെ സ്മാരകത്തിന് മുന്നില് ചൈത്രം ഫിലിം സൊസൈറ്റി ഓര്മദിനം സംഘടിപ്പിച്ചു.
ഓലയില് ജയന്ക്ലബുമായി സഹകരിത്താണ് പരിപാടി നടത്തിയത്. കൊല്ലം തേവള്ളി ഗവ.ബോയ്സ് ഹൈസ്ക്കൂളില് ജയന്റെ സഹപാഠിയായിരുന്ന സ്വാമിനാഥന്കൈക്കുളങ്ങര പ്രതിമയില് ഹാരാര്പ്പണം നിര്വഹിച്ച് അനുസ്മരണപ്രഭാഷണം നടത്തി.
സ്കൂളില് തന്നോടൊപ്പം പഠിച്ചവരില് ഏറ്റവും സ്പോര്ട്സ്മാന് സ്പിരിറ്റുള്ള എന് സി സി കേഡറ്റായിരുന്നു കൃഷ്ണന്നായര് (ജയന്) എന്നും സഹപാഠികളോട് വളരെ സൗമ്യമായി പെരുമാറിയിരുന്ന അദ്ദേഹം കായികഅദ്ധ്യാപകരുടെ അരുമശിഷ്യനായിരുന്നുവെന്നും അദ്ദേഹം ഓര്മിച്ചു. തന്റെ മൂത്ത ജേഷ്ഠനും ജയന്റെ അച്ഛനും തമ്മിലുള്ള പരിചയമാണ് ജയനുമായി കൂടുതല്അടുക്കാന് കാരണമെന്നും അദ്ദേഹം പറഞ്ഞു. കെഎസ്ആര്ടിസിയില്നിന്നും ചെക്കിങ് ഇന്സ്പെക്ടറായി വിരമിച്ച സ്വാമിനാഥന് എണ്പതാം വയസിലെ അവശതകള് മറന്ന് ഇപ്പോള് താമസമാക്കിയ കരുനാഗപ്പള്ളിയില് നിന്നുമാണ് ഇന്നലെ എത്തിയത്. ജയനോടൊപ്പം അന്തപ്പുരം എന്ന ഹിറ്റ് സിനിമയില് അഭിനയിച്ച തോമസ്ചാക്കോയും രാവിലെ തന്നെ കോട്ടയം കുറിച്ചിയില് നിന്നും എത്തിയിരുന്നു.
മദ്രാസില് ജൂനിയര് ആര്ട്ടിസ്റ്റായി കറങ്ങിനടക്കുമ്പോഴാണ് അരുണാചലം സ്റ്റുഡിയോയില്ചിത്രീകരിച്ച അന്തപ്പുരം എന്ന ചിത്രത്തില് ജയനോടൊപ്പം അഭിനയിക്കാന് അവസരമുണ്ടായത്. പ്രേംനസീറും ജയനും തമ്മിലുള്ള ജയില് സംഘട്ടസീനില് അടൂര്’ാസിക്കൊപ്പം ജയന്റെ കാലുതടവുന്ന സീന് ഇന്നലത്തെപോലെ ഓര്ക്കുന്നതായി തോമസ്ചാക്കോ പറഞ്ഞു. ജയനോടൊപ്പം കല്പവൃക്ഷം, മുക്കുവന് സ്നേഹിച്ച ‘ൂതം തുടങ്ങിയ സിനിമകളിലും ചാക്കോ അഭിനയിച്ചു. സംസ്ഥാനത്തിന്റെ വിവിധ ഭാഗങ്ങളില്നിന്നായി നൂറുകണക്കിന് ആരാധകര് അനുസ്മരണത്തിനെത്തിയിരുന്നു.
തൃശൂരില് നിന്നും എത്തിയ ആരാധകര് ജയന്റെ ചിത്രം പതിപ്പിച്ച ടീഷര്ട്ടുകള് ധരിച്ച് ആദരം പ്രകടമാക്കി. തുടര്ന്ന് ചൈത്രം ഫിലിം സൊസൈറ്റി പ്രസിഡന്റ്സോണിവിദ്യാധരന്, സെക്രട്ടറി സുരേഷ്ചൈത്രം, ഓലയില് ജയന്ക്ലബ് രക്ഷാധികാരികളായ ഓലയില്ബാബു, ഇ.രാജേന്ദ്രന്, ഹരികുമാര് തിരുവനന്തപുരം എന്നിവര് സംസാരിച്ചു.
