മേപ്പാടി : ഏഴാംചിറ മഠംകുന്ന് കോളനിക്ക് സമീപം പ്രവര്‍ത്തിക്കുന്ന മെസ്മ റിസോര്‍ട്ട് അടച്ചു പൂട്ടണമെന്ന് ബിജെപി ബൂത്ത് കമ്മറ്റി ആവശ്യപ്പെട്ടു. ആദിവാസി കോളനി നിവാസികളെ ചൂഷണം ചെയ്യുന്നതിനെതിരെ റിസോര്‍ട്ട് അടച്ചു പൂട്ടണമെന്നവാശ്യപ്പെട്ട് ബിജെപി ഏഴാംചിറ ബൂത്ത് കമ്മറ്റി നടത്തിയ മാര്‍ച്ച് നിയോജക മണ്ഡലം പ്രസിഡന്റ് ആരോട രാമചന്ദ്രന്‍ ഉദ്ഘാടനം ചെയ്തു. കാരാപ്പുഴ പദ്ധതിയോട് ചേര്‍ന്ന് സ്ഥിതി ചെയ്യുന്ന ഈ റിസോര്‍ട്ടിന്റെ ഉടമകളും സന്ദര്‍ശകരും ചേര്‍ന്ന് പദ്ധതി പ്രദേശത്തുതാമസിക്കുന്ന നിരാലംബരായ ആദിവാസി സ്ത്രീകളുടെയും കുട്ടികളുടെയും നഗ്ന ദ്യശ്യങ്ങള്‍ ക്യാമറയില്‍ പകര്‍ത്തി കച്ചവടം നടത്തുന്നതായും ബിജെപി ആരോപിച്ചു. റിസോര്‍ട്ട് ഉടമകളും സന്ദര്‍ശകരും രാത്രി കാലങ്ങളില്‍ കോളനിയില്‍ കയറുകയും കോളനി നിവാസികളെ ശല്യം ചെയ്യുകയും പതിവാണ്. ആദിവാസികളെ ചൂഷണം ചെയ്തുകൊണ്ടാണ് റിസോര്‍ട്ട് മാഫിയ തടിച്ചുകൊഴുക്കുന്നത്. ഇതിന് പിണറായി സര്‍ക്കാരിന്റെ മൗനാനുവാദം ഉണ്ടെന്നും ബിജെപി കുറ്റപ്പെടുത്തി. ആദിവാസികളുടെ സൈ്വര്യജീവിതത്തിനു തടസ്സമായി നില്‍ക്കുന്ന ഈ റിസോര്‍ട്ട് അടച്ചുപൂട്ടണണമെന്നും അല്ലാത്ത പക്ഷം ശക്തമായ പ്രക്ഷോഭങ്ങള്‍ നടത്തുമെന്നും അദ്ദേഹേ പറഞ്ഞു. ബൂത്ത് പ്രസിഡന്റ് കെ.എസ് വിശ്വനാഥന്‍ അദ്ധ്യക്ഷത വഹിച്ചു. പഞ്ചായത്ത് ജനറല്‍ സെക്രട്ടറി വി.എസ്.രാധാക്യഷ്ണന്‍, എ.ടി.അനന്തഗിരി, സി.ആര്‍ ഷിജു, സി.ആര്‍.ഉണ്ണിക്യഷ്ണന്‍, കണ്ണന്‍മഠംകുന്ന്, സി. പി.പ്രശാന്ത്, വി.അച്ചുതന്‍ എന്നിവര്‍ സംസാരിച്ചു.
Friday, December 27, 2024
മെസ്മ റിസോര്‍ട്ട് അടച്ചു പൂട്ടണം : ബിജെപി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: