കോട്ടയം: എബിവിപിയുടെ നേതൃത്വത്തില് ഇന്ത്യന് ഇന്സ്റ്റിറ്റ്യൂട്ട് ഓഫ് ഇന്ഫര്മേഷന് ടേക്നോളജി വിദ്യാര്ത്ഥികള് ആരംഭിച്ച നിരാഹാരസമരം സംസ്ഥാന സെക്രട്ടറി എ. പ്രസാദ് ഉദ്ഘാടനം ചെയ്തു.
അടിസ്ഥാന സൗകര്യമില്ലാത്ത അമല്ജ്യോതി കോളേജിലെ വിദ്യാര്ത്ഥികളെ കോഴിക്കോട് എന്ഐടിയിലേക്ക് താത്ക്കാലികമായി മാറ്റി മികച്ച പഠനസൗകര്യം ഒരുക്കണമെന്ന് അദ്ദേഹം ആവശ്യപ്പെട്ടു. കോട്ടയം ഐഐഐടിയുടെ വലവൂര്കാമ്പസ് നിര്മ്മാണം ഉടന് പൂര്ത്തിയാക്കി യോഗ്യതയുള്ള അദ്ധ്യാപകരെ നിയമിച്ച് വൈഫൈ, ലാബ്, മെസ്സ്, ഹോസ്റ്റല്, മൈതാനം എന്നിവ ഉറപ്പാക്കാന് അധികൃതര് തയ്യാറാവണമെന്നും അദ്ദേഹം ആവശ്യപ്പെട്ടു.
കഴിഞ്ഞ ഒരാഴ്ചയായി ഐഐഐടി വിദ്യാര്ത്ഥികള് എബിവിപിയുടെ നേതൃത്വത്തില് ഈ ആവശ്യങ്ങള് ഉന്നയിച്ച് സമരം നടത്തുകയും തുടര്ന്ന് എംപി, ജില്ലാ കളക്ടര്, രജിസ്ട്രാര് എന്നിവര്ക്ക് രേഖാമൂലം പരാതി സമര്പ്പിച്ചിട്ടും അതിന്മേല് തുടര്നടപടികള് ഒന്നും സ്വീകരിക്കാത്തതില് എബിവിപി പ്രതിഷേധിച്ചു. വിദ്യാര്ത്ഥികളെ പ്രതിനിധീകരിച്ച് മുഡ് ദിനേശ്, ഹര്ഷ് കുമാര്സിംഗ്, അനുജ് ബാട്ട്ലാ, പവന്സായ്, പാലാ പ്രശാന്ത് എന്നിവര് കളക്ടറേറ്റിന് മുന്നില് നിരാഹാരം ആരംഭിച്ചു.
