കോന്നി: ഉദ്ഘാടനം കഴിഞ്ഞ് ഒരുവര്ഷം പിന്നിട്ടിട്ടും കോന്നി താലൂക്ക് ആശുപത്രി പുതിയ കെട്ടിടം തുറന്ന് കൊടുക്കാന് വൈകുന്നതില് പ്രതിഷേധിച്ച് യുവമോര്ച്ച കോന്നി മണ്ഡലം കമ്മറ്റിയുടെ നേതൃത്വത്തില് ആശുപത്രിയിലേക്ക് മാര്ച്ചും ധര്ണ്ണയും നടത്തി.
ധര്ണ്ണ യുവമോര്ച്ച ജില്ല പ്രസിഡന്റ്സിബി സാം തോട്ടത്തില് ഉദ്ഘാടനം ചെയ്തു. മണ്ഡലം പ്രസിഡന്റ് രതീഷ് മാരൂര് പാലം അദ്ധ്യക്ഷത വഹിച്ചു. ബിജെപി മണ്ഡലം പ്രസിഡന്റ് ജി.മനോജ്,ജനറല് സെക്രട്ടറി സി.കെ. നന്ദകുമാര്, വൈസ്പ്രസിഡന്റ് കെ.കെ.ബാബു വള്ളിക്കോട്,അരുണ് കുമാര് വെട്ടൂര്,ജ്യോതിഷ് ചന്ദ്രന്, ദിലീപ് മാവനാല് ,ജിതിന് ഐരവണ്,അനില് ചെങ്ങറ,അജിത് കുമാര് മൂക്കന്നൂര്,ശ്രീകുമാര്,ശിവപ്രസാദ്,ഗിരീഷ് കളഭം, അനില് പാടം,അനീഷ് കുമാര്,ശരത് വള്ളിക്കോട്,കലാധരന് എന്നിവര് സംസാരിച്ചു. മുന്നര കോടി രൂപ ചെലവഴിച്ച് നിര്മ്മിച്ച ആശുപത്രി കെട്ടിടം നിയമസഭ തെരഞ്ഞെടുപ്പ് മുന്പില് കണ്ടുകൊണ്ട് ഉദ്ഘാടനം ചെയ്യുകയായിരുന്നു.
ദിനം പ്രതി ആയിരത്തില് അധികം പേരാണ് ഇവിടെ ചികിത്സ തേടിയെത്തുന്നത്. കെട്ടിടം പണി പൂര്ത്തീകരിച്ചിട്ടും ഇപ്പോഴും പഴയ കെട്ടിടത്തിലാണ് ഓ പി പ്രവര്ത്തിക്കുന്നത്.ഇത് ചോര്ന്നൊലിക്കുന്ന സ്ഥിതിയിലാണ്. നിര്മ്മാണം പൂര്ത്തീകരിച്ച പുതിയ കെട്ടിടത്തില് ആശുപത്രിയുടെ പ്രവര്ത്തനം ആരംഭിക്കണമെന്ന കോന്നിയിലെ ജനങ്ങളുടെ നിരന്തര ആവശ്യം നടപ്പാക്കാഞ്ഞതില് പ്രതിഷേധിച്ചായിരുന്നു യുവമോര്ച്ചയുടെധര്ണ്ണ.
