പാലക്കാട്: ജില്ലയില്‍ അനര്‍ഹമായി റേഷന്‍കാര്‍ഡ് കൈവശം വച്ചവര്‍ പിന്‍വാങ്ങുന്നതിന് അപേക്ഷ നല്‍കിത്തുടങ്ങി. മുന്‍ഗണനാ പട്ടികയില്‍ തുടരുന്നവര്‍ ശിക്ഷിക്കപ്പെടുമെന്ന സംസ്ഥാന സര്‍ക്കാരിന്റെ അറിയിപ്പിനെത്തുടര്‍ന്നാണിത്. ദേശീയ ഭക്ഷ്യഭദ്രതാ നിയമം 2013 കേരളത്തില്‍ നടപ്പാക്കുന്നതിന്റെ ഭാഗമായി പ്രസിദ്ധീകരിച്ച കരട് മുന്‍ഗണനാ പട്ടികയില്‍ തെറ്റായ വിവരങ്ങള്‍ നല്‍കിയതിന്റെ അടിസ്ഥാനത്തില്‍ ഉള്‍പ്പെട്ടിരിക്കുന്ന എല്ലാ റേഷന്‍കാര്‍ഡുടമകളും ഈ മാസംഅഞ്ചിന് മുമ്പായി താലൂക്ക് സപ്ലൈ ഓഫീസില്‍ മുന്‍ഗണനാ പട്ടികയില്‍ നിന്നും ഒഴിവാക്കുന്നതിനുള്ള അപേക്ഷ നല്‍കേണ്ടതാണ്. റേഷന്‍കാര്‍ഡ് ഉടമയ്‌ക്കോ അതില്‍ ഉള്‍പ്പെട്ട അംഗങ്ങള്‍ക്കോ സര്‍ക്കാര്‍/അര്‍ദ്ധസര്‍ക്കാര്‍ ജോലി /പെന്‍ഷന്‍ (പട്ടികവര്‍ഗ്ഗക്കാരായ ക്ലാസ് നാല് വിഭാഗക്കാരെ ഒഴിവാക്കിയിട്ടുണ്ട്). ബാങ്ക് ജോലി, അധ്യാപകര്‍, സൈനീകര്‍, നാലുചക്രവാഹനം സ്വന്തമായുള്ളവര്‍, ആദായനികുതി നല്‍കുന്നവര്‍, 1000 ചതുരശ്ര അടിയില്‍ കൂടുതല്‍ വിസ്തീര്‍ണമുള്ള വീടുള്ളവര്‍, കാര്‍ഡില്‍ ഉള്‍പ്പെട്ടവര്‍ക്കെല്ലാം ചേര്‍ന്ന് ഒരു ഏക്കറില്‍ കൂടുതല്‍ സ്ഥലം ഉള്ളവര്‍, മാസവരുമാനം 25,000 രൂപയില്‍ കൂടുതലുള്ളവര്‍, മുതലായവര്‍ മുന്‍ഗണന പട്ടികയില്‍ ഉള്‍പ്പെടുന്നതിന് അര്‍ഹരല്ല. ഈ വിഭാഗക്കാര്‍ ഉടന്‍ തന്നെ കരട് മുന്‍ഗണനാ പട്ടികയില്‍ നിന്നും സ്വയം മാറുന്നതിന് അപേക്ഷ സമര്‍പ്പിക്കണം. പിന്നീട് കണ്ടുപിടിക്കപ്പെട്ടാല്‍ അവശ്യവസ്തു സംരക്ഷണ നിയമം (68) പ്രകാരം ഒരു വര്‍ഷം വരെ തടവും പിഴയും ഉള്‍പ്പെടെയുള്ള ശിക്ഷാ നടപടികള്‍ക്ക് വിധേയമാക്കുന്നതാണ്.
Sunday, January 12, 2025
അനര്‍ഹ റേഷന്‍കാര്‍ഡ് ഉടമകള്‍ പിന്‍വാങ്ങല്‍ അപേക്ഷ നല്‍കി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: