ആലപ്പുഴ: ദിനംപ്രതി 8,400 രൂപ കളക്ഷന് ലഭിച്ചിരുന്ന കെഎസ്ആര്ടിസി ആലപ്പുഴ ഡിപ്പോയിലെ ആലപ്പുഴ- വടക്കന് വെളിയനാട്- ചങ്ങനാശേരി സര്വ്വീസ് നിര്ത്തലാക്കി. തോമസ് ചാണ്ടി എംഎല്എയുടെ നിര്ദ്ദേശപ്രകാരമാണ്സര്വ്വീസ് നിര്ത്തലാക്കി ആലപ്പുഴ- കൈനകരി- പൂപ്പള്ളി സര്വ്വീസ് ആരംഭിച്ചത്. ഈ റൂട്ടില് സര്വ്വീസ് ആരംഭിച്ചപ്പോള് ലഭിച്ച കളക്ഷന് 3,900 രൂപ മാത്രമാണ്. എംഎല്എയുടെ വ്യക്തിതാത്പര്യമാണ് ലാഭകരമായ സര്വ്വീസ് നിര്ത്തലാക്കി പുതിയ സര്വ്വീസ് നിശ്ചയിച്ചതെന്നാണ് ആരോപണം.
പരാതിയുയര്ന്നതോടെ കെഎസ്ആര്ടിസി ലാഭകരമാക്കുന്നതിന്റെ പേരില് റൂട്ട് മോഡിഫിക്കേഷന്റെ ഭാഗമായാണ് സര്വ്വീസ് മാറ്റമെന്ന് ഒരു വിഭാഗം ഉദ്യോഗസ്ഥര് പറയുന്നു. ലാഭകരമായ സര്വ്വീസ് നിര്ത്തി മറ്റൊന്ന് തുടങ്ങിയതില് ദുരൂഹതയുള്ളതായി ഒരുവിഭാഗം ജീവനക്കാരും യാത്രക്കാരും ആരോപിക്കുന്നു.
