കോഴിക്കോട്: ജപ്പാന് കുടിവെള്ള പദ്ധതി പ്രവര്ത്തനങ്ങള് പൂര്ത്തിയാക്കി ജനങ്ങള്ക്ക് കുടിവെള്ളം നല്കാന് ഉടന് നടപടി സ്വീകരിക്കണമെന്ന് കോര്പ്പറേഷന് കൗണ്സില് യോഗം ഐക്യകണ്ഠേന ആവശ്യപ്പെട്ടു. കൗണ്സിലര് എന്. സതീഷ്കുമാറാണ് ഇതു സംബന്ധിച്ച പ്രമേയം അവതരിപ്പിച്ചത്. സംസ്ഥാനത്ത് ആവശ്യത്തിന് മഴ ലഭിക്കാത്ത സാഹചര്യത്തില് കുടിവെള്ള ക്ഷാമം രൂക്ഷമാവുമെന്നാണ് റിപ്പോര്ട്ട്. ജില്ലയിലും മഴയുടെ ലഭ്യത കുറവാണ്.
ഈ സാഹചര്യത്തില് കുടിവെള്ള ക്ഷാമം രൂക്ഷമാകാന് സാധ്യതയുണ്ട്. വരള്ച്ച മൂലം ജനങ്ങള്ക്കുണ്ടാകുന്ന ബുദ്ധിമുട്ട് പരിഹരിക്കാന് ജപ്പാന് കുടിവെള്ള പദ്ധതി പ്രവര്ത്തനങ്ങള് ഉടന് പൂര്ത്തിയാക്കി ജനങ്ങള്ക്ക് കുടിവെള്ളം ലഭ്യമാക്കാന് വകുപ്പു മന്ത്രിയും ബന്ധപ്പെട്ട വകുപ്പു മേധാവികളും സത്വര നടപടി സ്വീകരിക്കണമെന്നും എന്. സതീഷ്കുമാര് കൂട്ടിച്ചേര്ത്തു. പ്രമേയം യോഗം ഐക്യകണ്ഠേന പാസ്സാക്കി.
