ഇരിട്ടി: നഗരത്തിലെ മരങ്ങള് ഉണക്കുന്നതിനെതിരെ നിയമപരമായും സാമൂഹ്യപരമായും പ്രതികരിക്കാന് തീരുമാനിച്ചതായി ഗ്രീന്ലീഫ് അറിയിച്ചു. ഡിവൈഎസ്പി പ്രജീഷ് തോട്ടത്തില്, സിഐ സജേഷ് വാഴവളപ്പില്, എസ്ഐ കെ.സുധീര് എന്നിവര്ക്ക് ഗ്രീന്ലീഫ് പരാതി നല്കി. ഇതിന്റെ ഭാഗമായി പൊലീസ് അന്വേഷണം ആരംഭിച്ചു. മരം ഉണക്കിയവരെ കണ്ടെത്തി നിയമപരമായ നടപടികള് സ്വീകരിക്കുമെന്ന് പൊലീസ് അധികൃതര് ഉറപ്പു നല്കിയിട്ടുണ്ടെന്ന് ഗ്രീന്ലീഫ് അറിയിച്ചു. ഇതോടൊപ്പം നഗരത്തിന് കുളിര്മയും പച്ചപ്പും ജീവവായുവും നല്കുന്ന മരങ്ങളുടെ കടയ്ക്കല് മഴുവെക്കുന്നവരെ സമൂഹ മധ്യത്തില് തുറന്നു കാട്ടുന്നതിനും ഇവര്ക്കെതിരെ ജനമനസാക്ഷി ഉണര്ത്തുന്നതിനും ഉള്ള വിവിധങ്ങളായ പ്രചരണ പരിപാടികള് സംഘടിപ്പിക്കും. ആദ്യഘട്ട പ്രതിഷേധം പാല ഗവ.ഹയര് സെക്കന്ഡറി സ്കൂള് ഉറവ പരിസ്ഥിതി ക്ലബ്ബിന്റെ സഹകരണത്തോടെ വിദ്യാര്ഥികളുടെ നേതൃത്വത്തില് ഇന്ന് രാവിലെ 11 ന് ഹരിത സ്നേഹ സദസ്സ് സംഘടിപ്പിക്കും.
ഇരിട്ടി പട്ടണത്തിലെ തണല് മരങ്ങള് ഉണക്കുന്നതിനെതിരെ പരാതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.