കരുനാഗപ്പള്ളി: രാജ്യത്തെ തകര്ക്കാന് ഇടത് ഇസ്ലാമിക അച്ചുതണ്ട് പ്രവര്ത്തിച്ചുവരുന്നതായി രാഷ്ട്രീയ സ്വയംസേവക സംഘം സംസ്ഥാന സഹബൗധിക്ക് പ്രമുഖ് പി.സന്തോഷ്. ചവറയില് നടന്ന ആര്എസ്എസ് കൊല്ലം ഗ്രാമ ജില്ലയുടെ വിജയദശമി ആഘോഷത്തില് സംസാരിക്കുകയായിരുന്നു അദ്ദേഹം.
ജെഎന്യുവില് സ്വാധീനമില്ലാതിരുന്ന തീവ്രവാദി അഭിമുഖ്യമുള്ള സംഘടനകളെ കൂട്ടുപിടിച്ചു കൊണ്ട് എസ്എഫ്ഐയും ചേര്ന്ന് അഫ്സല് ഗുരു അനുസ്മരണം നടത്താനും പാകിസ്ഥാന് ജയിക്കട്ടെ, ഭാരതം തുലയട്ടെ എന്നീ മുദ്രാവാക്യങ്ങള് വിളിക്കാനും തയ്യാറായി. മാത്രവുമല്ല ശ്രീശങ്കരന്റെ പേരിലുള്ള ശ്രീശങ്കരാ സര്വകലാശാലയില് അദ്ദേഹത്തിന്റെ പ്രതിമ സ്ഥാപിക്കാനുള്ള സര്വ്വകലാശാല അധികൃതരുടെ തീരുമാനത്തിനെതിരെ എതിര്പ്പുമായി മുന്നിട്ടുനിന്നത് ജെഎന്യുവിലെ സമരനായിക അപരാജിത ആയിരുന്നു എന്നുള്ളതും ഇടത്-ഇസ്ലാമിക കുട്ടുകെട്ടിന്റെ ഉദാഹരണങ്ങളാണെന്നും അദ്ദേഹം ചൂണ്ടിക്കാട്ടി.
ഭാരതത്തെ തകര്ക്കണമെങ്കില് ഭാരതത്തിന്റെ സംസ്കാരത്തേയും അത് ഉള്ക്കൊള്ളുന്ന ഹിന്ദു സമാജത്തേയും തകര്ക്കണമെന്ന പദ്ധതി തിരിച്ചറിയണം. ഇതിനായി ആഗോ ളതലത്തില് ശ്രമം നടക്കുന്നു. അതിന്റെ ഭാഗമായി അനാവശ്യവിവാദങ്ങള് സൃഷ്ടിക്കുന്നു. ഓണം മേളകള് ഓണം റംസാന് മേളകളാകുന്നു. അത്തപൂക്കളമില്ലാതാക്കാന് ശ്രമിക്കുന്നു. നിലവിളക്ക് വിവാദമുണ്ടാക്കുന്നു. പ്രാര്ത്ഥനാ ഗീതങ്ങള് ഒഴിവാക്കുന്നു. ലോകം ഏറ്റെടുത്ത യോഗയെ മുഖ്യമന്ത്രി മുതല് ആരോഗ്യമന്ത്രി വരെ തെറ്റായി പ്രചരിപ്പിക്കുന്നു. സാംസ്ക്കാരിക മാനബിന്ദുക്കളെ അവഹേളിക്കുന്നു. കുടുംബ വ്യവസ്ഥ തകര്ക്കാന് താലി പൊട്ടിക്കുന്നു. ചുംബനസമരവും, ബീഫ് ഫെസ്റ്റും നടത്തി വിവാദങ്ങള് സൃഷ്ടിക്കുന്നു കേരളത്തിന്റെ നവോത്ഥാനനായകരെ കുറിച്ചും ക്ഷേത്രങ്ങളെ കുറിച്ചും അപവാദം പ്രചരിപ്പിക്കുന്നു. അങ്ങനെ വൈദേശിക തത്വചിന്തയില് വിശ്വസിക്കുന്ന ഇടതുപക്ഷവും, ഇസ്ലാമിക ഭീകരസംഘടനകളും ചേര്ന് ഹിന്ദുസമൂഹം നിലകൊള്ളുന്ന അവരുടെ സംസ്കാരത്തെ ഇല്ലാതാക്കാന് ശ്രമിക്കുകയാണെന്നും അദ്ദേഹം പറഞ്ഞു. റിട്ട.ഡി.ജി.പി.ബി.ജെ.കെ.തമ്പിയുടെ അദ്ധ്യക്ഷതയില് കൂടിയ യോഗത്തില് ഗാമ ജില്ലാ കാര്യവാഹ് ആര്.ബാഹുലേയന് സ്വാഗതവും, സഹകാര്യ വാഹ് ബാബു നന്ദിയും പറഞ്ഞു. ജില്ലാ സംഘചാലക് പി.അപ്പുക്കുട്ടന്പിള്ള സന്നിഹിതനായിരുന്നു.
