സാധ്യായയജ്ഞം
വേദങ്ങളും ഉപനിഷത്തുകളും ബ്രഹ്മസൂത്രവും പുരാണേതിഹാസങ്ങളും ഗീത, ശ്രീമദ് ഭാഗവതം മുതലായ ദിവ്യഗ്രന്ഥങ്ങളും, ഗുരുമുഖത്തില്നിന്ന് നിര്ദ്ദേശിക്കുന്നപ്രകാരം പഠിക്കുക എന്ന യജ്ഞം. ഈ യജ്ഞവും ശ്രീകൃഷ്ണഭഗവാനെ കേന്ദ്രീകരിച്ചുതന്നെ ചെയ്യണം. എങ്കിലേ യജ്ഞമാവുകയുള്ളൂ. ”വേദൈശ്ച സര്വ്വൈ രഹമേവ വേദ്യഃ”
(വേദങ്ങളാല് അറിയേണ്ടത് എന്നെ- ശ്രീകൃഷ്ണനെത്തന്നെയാണ് എന്ന ഭഗവദ്വാക്യം തന്നെ പ്രമാണം).
ജ്ഞാനയജ്ഞം
വേദംതുടങ്ങി മുന്പ് പറഞ്ഞ എല്ലാ ആധികാരിക ഗ്രന്ഥങ്ങള് പഠിച്ച്, അവയിലെ തത്വം അഭ്യസിച്ച്, അനുഭൂതിയില് വരുത്തുന്നതാണ് ജ്ഞാനയജ്ഞം. ആ ജ്ഞാനം വേണമെന്ന് ആഗ്രഹിക്കുന്നവര്ക്ക് മാത്രം ഉപദേശിക്കുന്നതും ജ്ഞാനയജ്ഞംതന്നെ.
കൂടാതെ,വേദപുരാണേതിഹാസങ്ങള് പഠിക്കുക- നാക്കുകൊണ്ടുച്ചരിക്കുക. സ്വരവും മാത്രകളും തെറ്റാതെ, അപശബ്ദം വരാതെ ചൊല്ലുക എന്നതും ജ്ഞാനയജ്ഞത്തില് ഉള്പ്പെടുന്നു എന്ന് ശ്രീധരാചാര്യര് പറയുന്നു.
ശ്രീകൃഷ്ണ ഭഗവാന്റെ ആവിര്ഭാവമായ മറ്റൊരു രൂപമായ-ശ്രീമദ് ഭാഗവതവും ഭഗവദ്ഗീതയും ചൊല്ലുന്നതും ‘ഹരേകൃഷ്ണ’ നാമം ജപിക്കുന്നതും നേരിട്ട്, അഗ്നിയിലൂടെയല്ലാതെ, ഭഗവാനില്തന്നെ സമര്പ്പിക്കുന്ന വാഗ്മയയജ്ഞമാണെന്ന് രാഘവേന്ദ്രമുനി പറയുന്നു.
