പന്തളം: പന്തളം മന്നം കോ-ഓപ്പറേറ്റീവ് ആയുര്‍വ്വേദ കോളേജിലെ അഴിമതിക്കും തൊഴിലാളി ദ്രോഹത്തിനുമെതിരെ ബിഎംഎസ് പന്തളം മേഖലാ കമ്മിറ്റിയുടെ നേതൃത്വത്തില്‍ ഇന്ന് പ്രതിഷേധമാര്‍ച്ചും ധര്‍ണ്ണയും നടത്തും.
ഇന്ന് രാവിലെ 11 ന് മുട്ടാര്‍ജംങ്ഷനില്‍ നിന്നും ആയൂര്‍വേദ കോളേജിലേക്ക് മാര്‍ച്ച് ആരംഭിക്കും. തുടര്‍ന്ന് നടക്കുന്ന ധര്‍ണ്ണ ബിഎംഎസ് സംസ്ഥാന പ്രസിഡന്റ് കെ.കെ.വിജയകുമാര്‍ ഉദ്ഘാടനം ചെയ്യും. ജില്ലാ പ്രസിഡന്റ് എ.എസ്.രഘുനാഥന്‍, ജില്ലാ ജനറല്‍ സെക്രട്ടറി ജി.സതീഷ്‌കുമാര്‍, ജോ.സെക്രട്ടറി കെ.സി.മണിക്കുട്ടന്‍, നേതാക്കളായ വി.സത്യന്‍, സന്തോഷ്‌കുളനട, സുനില്‍, സോണി സത്യന്‍, സുദര്‍ശനന്‍, ബിജു, കനകമ്മ, സജീവന്‍പിള്ള, അനു, വിജയകുമാര്‍ തുടങ്ങിയവര്‍ നേതൃത്വം നല്‍കും.
അയൂര്‍വേദ കോളേജില്‍ നടക്കുന്ന വന്‍ സാമ്പത്തിക ക്രമക്കേടിനേപ്പറ്റിയും അഴിമതിയേക്കുറിച്ചും വിജിലന്‍സ് അന്വേഷിക്കുക, ജീവനക്കാരുടെ സേവന വേതന വ്യവസ്ഥകള്‍ക്ക് തൊഴില്‍ വകുപ്പിലെ ഉന്നത ഉദ്യോഗസ്ഥര്‍ അന്വേഷിച്ച് ശാശ്വത പരിഹാരമുണ്ടാക്കുക, തുടങ്ങിയ ആവശ്യങ്ങളുന്നയിച്ചാണ് പ്രതിഷേധ മാര്‍ച്ചും ധര്‍ണ്ണയും നടത്തുന്നതെന്നും ജില്ലാ പ്രസിഡന്റ് എ.എസ്. രഘുനാഥന്‍, ജോ. സെക്രട്ടറി കെ.സി. മണിക്കുട്ടന്‍ എന്നിവര്‍ അറിയിച്ചു.
പ്രതികരിക്കാൻ ഇവിടെ എഴുതുക: