അര്ച്ചന തുടങ്ങും മുമ്പ് ചെറിയ തോതില് പ്രാണായാമം ചെയ്യുന്നത് ഏകാഗ്രത കിട്ടുവാന് സഹായിക്കും. ആസനത്തില് നിവര്ന്നിരുന്ന് ആദ്യം ഇടത്തെ മൂക്കിലൂടെ ശ്വാസം എടുത്ത് വലത്തെ മൂക്കിലൂടെ വിടണം. പിന്നീട് വലത്തെ മൂക്കിലൂടെ ശ്വാസം എടുത്ത് ഇടത്തെ മൂക്കിലൂടെയും. അപ്പോള് പ്രാണായമം ഒരു വട്ടമായി. ഇങ്ങനെ മൂന്ന് പ്രാവശ്യം ആവര്ത്തിക്കാം. ശ്വാസം ഉള്ളിലേയ്ക്കെടുക്കുമ്പോള് എല്ലാ സദ്വൃത്തികളും നമ്മില് വന്ന് നിറയുന്നതായും പുറത്തേക്ക് വിടുമ്പോള് ഇരുളിന്റെ രൂപത്തില് എല്ലാ ദുര്ഗ്ഗണങ്ങളും ദുശ്ചിന്തകളും ദുര്വാസനകളും വിട്ടൊഴിഞ്ഞ് പോകുന്നതായും ഭാവന ചെയ്യണം.
കഴുകി വൃത്തിയാക്കി, ഉണക്കിയെടുത്ത നുറുങ്ങാത്ത പച്ചരി, ഒരു നുള്ള മഞ്ഞള്പ്പൊടി ചേര്ത്ത്, വേണമെങ്കില് പൂവിനുപകരം അര്ച്ചയ്ക്കുപയോഗിക്കാം. ഇത് പിന്നീട് ചോറുവയ്ക്കുമ്പോള് അരിയുടെ കൂടെ ചേര്ക്കാം.
കൂട്ടമായി അര്ച്ചന നടത്തുമ്പോള് ഒരാള് ചൊല്ലിക്കൊടുത്ത്, മറ്റുള്ളവര് ഏറ്റുചൊല്ലണം. ഭക്തിയോടെ, സാവകാശം, അക്ഷരസ്ഫുടതയോടെ വേണം മന്ത്രങ്ങള് ചൊല്ലേണ്ടത്.
ആദ്യമൊക്കെ സഹസ്രനാമത്തിലെ എല്ലാ മന്ത്രവും, എല്ലാവര്ക്കും വ്യക്തമായി ഏറ്റുചൊല്ലുവാന് പറ്റിയെന്ന് വരില്ല. അപ്പോള് ഏതെങ്കിലും ഒരു മന്ത്രം മാത്രം മറ്റുള്ളവര് ഏറ്റുചൊല്ലിയാല് മതി. ലളിതാസഹസ്രനാമം ചൊല്ലുമ്പോള് ‘ഓം പരാശക്തൈ്യ നമഃ’ എന്നോ, ‘ഓം ശിവശക്തൈ്യക്യരൂപിണൈ്യ നമഃ’ എന്നോ ഏറ്റു ചൊല്ലാം. അമ്മയുടെ അഷ്ടോത്തരം ചൊല്ലുമ്പോള് ‘ഓം അമൃതേശ്വരൈ്യ നമഃ’ എന്ന് ഏറ്റുചൊല്ലാവുന്നതാണ്.
