കോഴിക്കോട്: ബിജെപി ദേശീയ അദ്ധ്യക്ഷന് അമിത്ഷായെ യാത്രയയക്കാനെത്തിയ പ്രവര്ത്തകരുടെ ആവേശത്തിമിര്പ്പിനിടയില് താഴെ വീണുപോയ പ്രവര്ത്തകന് അമിത്ഷായുടെ കൈത്താങ്ങ്. ഇന്നലെ വൈകിട്ട് കണ്ണൂര്-എറണാകുളം ഇന്റര്സിറ്റി എക്സ്പ്രസ്സിലാണ് അമിത്ഷാ ആലുവയ്ക്ക് തിരിച്ചത്. ദേശീയ അദ്ധ്യക്ഷനെ യാത്രയയക്കാന് റെയില്വേ സ്റ്റേഷനില് ബിജെപി കോഴിക്കോട് ജില്ലാ ഓഫീസ് സെക്രട്ടറി കെ. രാജനും എത്തിയിരുന്നു. ഒന്നാം പ്ളാറ്റ്ഫോമിലെ അന്വേഷണ കൗണ്ടറിനടുത്തുവെച്ചാണ് തിരക്കില് രാജന് നിലത്ത് വീണത്. ഇടതു കാലിന് സ്വാധീനക്കുറവുള്ള രാജന് താഴെ വീഴുന്നത് കണ്ട അമിത്ഷാ ഉടനെയെത്തി രാജനെ പിടിച്ചെഴുന്നേല്പ്പിക്കുകയും അദ്ദേഹത്തോട് ക്ഷമാപണം നടത്തുകയും ചെയ്തു. അദ്ദേഹത്തെ പിടിച്ചെഴുന്നേല്പ്പിച്ചതിന് ശേഷമാണ് അമിത്ഷാ യാത്രയായത്. തിരക്കില് വീണപ്പോള് ആരോ പിടിച്ചെഴുന്നേല്പ്പിച്ചു എന്നു മാത്രമേ താന് ധരിച്ചുള്ളു എന്ന് രാജന് പറഞ്ഞു. എന്നാല് അത് തന്റെ ആരാധ്യനായ നേതാവ് അമിത്ഷാ തന്നെയാണെന്നറിഞ്ഞപ്പോള് താഴെ വീണതിന്റെ വേദനയെക്കാള് അഭിമാനവും സന്തോഷവും ഉണ്ടായെന്ന് രാജന് പറഞ്ഞു.
തിരക്കില് താഴെ വീണ പ്രവര്ത്തകന് അമിത്ഷായുടെ കൈത്താങ്ങ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.