പത്തനംതിട്ട: കോന്നി വെള്ളപ്പാറയില്‍ ആര്‍എസ്എസ് പ്രവര്‍ത്തകന്റെ ഓട്ടോറിക്ഷ അഗ്‌നിക്കിരയാക്കി. കഴിഞ്ഞ ദിവസം രാത്രി പന്ത്രണ്ടരയോടെയായിരുന്നു സംഭവം.വെള്ളപ്പാറ മാരാക്കുഴി സ്‌കൂളിനുസമീപം സിന്ധു ഭവനത്തില്‍ അനൂപിന്റെ ഓട്ടോറിക്ഷയാണ് കത്തിച്ചത്. ഓണാഘോഷത്തിനിടയില്‍ ഡിവൈഎഫ്‌ഐക്കാര്‍ സംഘപരിവാര്‍ പ്രവര്‍ത്തകരെ അക്രമിച്ച സംഭവത്തിന് തുടര്‍ച്ചയായാണ് സംഭവം. രാത്രിയില്‍ നായയുടെ കുരകേട്ട് വീടിന് പുറത്തിറങ്ങിയ വീട്ടുകാര്‍ രണ്ടുപേര്‍ പെട്രോള്‍ ഒഴിച്ച് ഓട്ടോയ്‌ക്ക് തീയിട്ടതിനുശേഷം ഓടിപോകന്നത് കണ്ടതായി പോലീസിനോട് പറഞ്ഞു. സംഭവത്തില്‍ ഓട്ടോയുടെ മുകള്‍ഭാഗം കത്തിനശിച്ചിട്ടുണ്ട്. പോലീസിന് നല്‍കിയ പരാതിയെ തുടര്‍ന്ന് ജില്ലാ പോലീസ് സുപ്രണ്ടിന്റെ നേതൃത്വത്തില്‍ സ്ഥലത്ത് പരിശോധന നടത്തി അന്വേഷണം ആരംഭിച്ചു. ഇതിന് സമീപത്തെ സിസിടിവി ക്യാമറ ദൃശ്യങ്ങളും പോലീസ് പരിശോധിച്ചു. കോന്നി തെങ്ങുംകാവിലെ ഓണാഘോഷത്തിനിടയിലാണ് ഡിവൈഎഫ്‌ഐക്കാരുടെ അക്രമണത്തില്‍ സംഘപരിവാര്‍ പ്രവര്‍ത്തകര്‍ക്ക് പരിക്കേറ്റത്. ഓട്ടോറിക്ഷ തീവെച്ച് നശിപ്പിച്ചസംഭവത്തില്‍ പോലീസ് അന്വേഷണം ആരംഭിച്ചു. കോന്നി സര്‍ക്കിള്‍ ഇന്‍സ്പക്ടര്‍ക്കാണ് അന്വേഷണ ചുമതല.
Tuesday, November 26, 2024
ആര്‍എസ്എസ് പ്രവര്‍ത്തകന്റെ ഓട്ടോ തീവെച്ച് നശിപ്പിച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: