സര്‍ഗോത്സവം ആരംഭിച്ചു

കോട്ടയം: ജില്ലാ ടൂറിസം പ്രൊമോഷന്‍ കൗണ്‍സിലും ജില്ലാ ഭരണകൂടവും കോട്ടയം നഗരസഭയും സംയുക്തമായി ഓണാഘോഷം 2016 എന്ന പേരില്‍ സര്‍ഗോത്സവം തിരുനക്കര മൈതാനിയില്‍ ആരംഭിച്ചു. ഇന്നലെ നടന്ന സാംസ്‌കാരിക സമ്മേളനത്തില്‍ ജില്ലയിലെ എംപി, എംഎല്‍എമാരും രാഷ്‌ട്രീയ സാമൂഹിക സാംസ്‌കാരിക രംഗത്തെ പ്രമുഖരും പങ്കെടുത്തു. തുടര്‍ന്ന് ഉണ്ണികൃഷ്ണനും സംഘവും അവതിപ്പിച്ച മുടിയേറ്റ്, ചലച്ചിത്ര പിന്നണി ഗായകന്‍ ദേവദാസും മറ്റുപ്രമുഖ പിന്നണി ഗായകരും അവതരിപ്പിച്ച പ്രത്യേക സംഗീത പരിപാടിയും നടന്നു. ആഘോഷ പരിപാടികളുടെ 16വരെ തിരുനക്കര മൈതാനത്ത് എല്ലാദിവസും ഉച്ചകഴിഞ്ഞ് 3വരെ ജില്ലയിലെ കലാകാരന്മാര്‍ക്ക് കലാപരിപാടികള്‍ അവതരിപ്പിക്കാന്‍ അവസരമുണ്ട്. ഇന്ന്് വൈകിട്ട് 6.30ന് അര്‍ജ്ജുനനൃത്തം, 7.30ന് നടനരാവ്, തുടര്‍ന്ന് ദര്‍ശന സാംസ്‌കാരിക കേന്ദ്രത്തിന്റെ ആഭിമുഖ്യത്തില്‍ വിവിധ കലാരൂപങ്ങള്‍. 14ന് വൈകിട്ട് 6.30ന് കഥാപ്രസംഗം, 8ന് ഹാസ്യനാടകം കല്ലുവാതതില്‍. 15ന് വൈകിട്ട് 6.30മുതല്‍ ഓണനിലാവ്, ഗായിക ദേവി മേനോന്‍ അവതരിപ്പിക്കുന്ന സംഗീതനിശ, 16ന് രാത്രി 7മുതല്‍ നാടകം മായാദര്‍ശന്‍ എന്നിവ നടക്കും.