തിരുവല്ല: സ്‌ക്കൂട്ടറിന് പിന്നില്‍ കാര്‍ ഇടിച്ചുണ്ടായ അപകടത്തില്‍ യുവതിക്ക് ഗുരുതര പരുക്ക്. കടപ്ര സൈക്കിള്‍മുക്ക് ജംഗ്ഷനില്‍ ഇന്നലെ വൈകിട്ട് 5 മണിയോടെ ആയിരുന്നു അപകടം. ചെന്നിത്തല കണ്ണന്നൂര്‍ കോയിക്കല്‍ ശ്രീജ സതീഷ് (40) നാണ് പരുക്കേറ്റത്. തുകലശ്ശേരി അമൃത വിദ്യാലയത്തിലെ അധ്യാപികയാണ് ശ്രീജ. ജോലി കഴിഞ്ഞ് സ്‌ക്കൂളില്‍ നിന്നും സഹപ്രവര്‍ത്തകയായ സ്‌നേഹയുടെ ആക്ടീവ സ്‌ക്കൂട്ടറില്‍ വീട്ടിലേക്ക് മടങ്ങും വഴിയായിരുന്നു അപകടം. കൊല്ലം സ്വദേശികള്‍ സഞ്ചരിച്ചിരുന്ന മാരുതി ആള്‍ട്ടോ കാര്‍ ഇവര്‍ സഞ്ചരിച്ചിരുന്ന സ്‌ക്കൂട്ടറിനെ മറികടക്കാന്‍ ശ്രമിക്കുന്നതിനിടെ പിന്നില്‍ ഇടിക്കുകയായിരുന്നു. ഇടിയുടെ ആഘാതത്തില്‍ തെറിച്ചുവീണ ശ്രീജയുടെ തലയ്‌ക്ക് ഗുരുതരമായി പരുക്കേറ്റു. പരുമലയിലെ സ്വകാര്യ ആശുപത്രിയില്‍ പ്രവേശിപ്പിച്ച ശ്രീജയുടെ നില ഗുരുതരമായതിനെ തുടര്‍ന്ന് കൊച്ചിയിലെ അമൃത ആശുപത്രിയിലേക്ക് മാറ്റി. കൂടെ അപകടത്തില്‍ പെട്ട സ്‌നേഹ പരുക്കേല്‍ക്കാതെ രക്ഷപെട്ടു.
Tuesday, November 26, 2024
സ്‌ക്കൂട്ടറിന് പിന്നില്‍ കാര്‍ ഇടിച്ച് യുവതിക്ക് ഗുരുതര പരുക്ക്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: