ബത്തേരി : സംസ്ഥാന ഹൗസിങ്ങ് ബോര്‍ഡില്‍ നിന്ന് വായ്പയെടുത്ത് ഭവന നിര്‍മ്മാണം നടത്തി കടക്കെണിയിലായവരുടെ രണ്ട് ലക്ഷം വരെയുളള വായ്പാ കുടിശ്ശികകള്‍ എഴുതി തളളാന്‍ ഗവണ്‍മെന്റ് തയ്യാറാകണമെന്നും അഞ്ച് ലക്ഷത്തിന് മുകളിലുളള വായ്പകളുടെ പലിശയും പിഴപലിശയും എഴുതി തളളി അടിസ്ഥാന തുകയുടെ തിരിച്ചടവിന് സാവകാശം അനുവദിക്കണമെന്നും ഹൗസിങ്ങ് ബോര്‍ഡ് ലോണീസ് വെല്‍ഫയര്‍ അസ്സോസിയേഷന്‍ നേതാക്കള്‍ ആവശ്യപ്പെട്ടു. സാമ്പത്തിക പ്രതിസന്ധികളും തുടര്‍ക്കഥയായ വയനാട് ജില്ലയില്‍ മാത്രം എഴുനൂറിലേറെ കുടുംബങ്ങള്‍ ഈ വായ്പയുടെ പേരില്‍ ജപ്തി നടപടികള്‍ നേരിടുകയാണ്.ഇതില്‍ പലരും ഇന്ന് മാറാരോഗികളും ആലംബഹീനരുമാണ്.രണ്ട് പതിറ്റാണ്ട് മുമ്പ് കാര്‍ഷിക സമൃദ്ധിയുടെ സുവര്‍ണ്ണ കാലത്ത് കാര്‍ഷിക വരുമാനം പ്രതീക്ഷിച്ചാണ് ഈ വായ്പ എടുത്തത്. പിന്നീടുണ്ടായകാര്‍ഷിക തകര്‍ച്ചയുടെ ഇരകളാണ് ഇവരും. സംസ്ഥാന സര്‍ക്കാര്‍ ഇപ്പോള്‍ പ്രഖ്യാപിച്ച ആശ്വാസ നടപടികള്‍ ഇത്തരക്കാര്‍ക്ക് സഹായകമല്ലെന്നും ഇവര്‍ ചൂണ്ടിക്കാട്ടി. ഈ വിഭാഗത്തില്‍പ്പെട്ട വായ്പാ കുടിശ്ശിക കാര്‍ക്ക് നീതി തേടിയുളള സമര പരിപാടികളുമായി മുന്നോട്ടു പോകുമെന്നും ഇവര്‍ വ്യക്തമാക്കി.
Thursday, January 16, 2025
രണ്ട് ലക്ഷം വരെയുളള ഹൗസിങ്ങ് ബോര്‍ഡ് വായ്പകള്‍ എഴുതി തളളണം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: