തിരുവനന്തപുരം: കല്യാണ്‍ സില്‍ക്‌സിന്റെ ‘ഓണക്കോടിയ്ക്ക് ഒപ്പം ഒന്നരക്കോടിയും’ സമ്മാനപദ്ധതി മൂന്നാം ആഴ്ചയിലേക്ക്. ഓരോ ദിവസവും, ഓരോ ആഴ്ചയും ഉപഭോക്താക്കളില്‍ നറുക്കെടുപ്പു നടത്തി വമ്പിച്ച സമ്മാനങ്ങള്‍ നല്‍കുന്ന പദ്ധതിക്ക് ഗംഭീര സ്വീകരണമാണ് ലഭിക്കുന്നത്. ബമ്പര്‍ സമ്മാനം 101 പവന്‍ സ്വര്‍ണ്ണമാണ്. ഓരോ 2000 രൂപയുടെ പര്‍ച്ചേയ്‌സിന് സമ്മാനക്കൂപ്പണ്‍ ലഭിക്കും.
രണ്ടാമത്തെ പ്രതിവാര നറുക്കെടുപ്പിലെ സമ്മാനമായ വോക്‌സ്‌വാഗണ്‍ കാറിന്റെയും ഹീറോ ഡ്യുവറ്റ് സ്‌കൂട്ടറിന്റെയും വിജയികളെ തിരുവനന്തപുരം മേയര്‍ വി.കെ. പ്രശാന്ത് തിരഞ്ഞെടുത്തു. പ്രതിദിന സമ്മാന വിജയികളെ നേമം എംഎല്‍എ: ഒ.രാജഗോപാലും എല്‍ഇഡി ടിവികളുടെ വിജയികളെ തിരുവനന്തപുരം എംഎല്‍എ: വി.എസ്.ശിവകുമാറും സ്മാര്‍ട്ട് ഫോണുകളുടെയും ടാബ്‌ലറ്റുകളുടെയും വിജയികളെ എല്ലാ അതിഥികളും ചേര്‍ന്ന് തിരഞ്ഞെടുത്തു. കല്യാണ്‍ സില്‍ക്‌സ് സിഎംഡി ടി.എസ്. പട്ടാഭിരാമനും, എക്‌സിക്യൂട്ടീവ് ഡയറക്ടര്‍മാരായ പ്രകാശ് പട്ടാഭിരാമന്‍, മഹേഷ് പട്ടാഭിരാമന്‍ എന്നിവര്‍ സന്നിഹിതരായിരുന്നു.
സമ്മാനപദ്ധതി മൂന്നാമത്തെ ആഴ്ചയിലേക്ക് കടന്നു. സെപ്തംബര്‍ 25 ന് അവസാനിക്കുന്ന സമ്മാനപദ്ധതിയിലൂടെ ഒന്നരക്കോടിയിലേറെ രൂപയുടെ സമ്മാനങ്ങളാണ് കല്യാണ്‍ സില്‍ക്‌സ് ഉപഭോക്താക്കള്‍ക്ക് ലഭിക്കുക. ഒറ്റ ഷോപ്പിങ്ങിലൂടെ തന്നെ ഒന്നിലധികം തവണ സമ്മാനങ്ങള്‍ നേടുവാനുള്ള അവസരമാണുള്ളത്. ഇക്കാലയളവില്‍ 30 ലക്ഷം രൂപയുടെ ഗിഫ്റ്റ് വൗച്ചറുകള്‍ ദിവസേന നല്‍കും. ആഴ്ചതോറും തിരഞ്ഞെടുക്കുന്ന വിജയിക്ക് ഒരു വോക്‌സ് വാഗണ്‍ പോളോ കാര്‍ സമ്മാനം.
പ്രതികരിക്കാൻ ഇവിടെ എഴുതുക: