വണ്ണപ്പുറം: ഹൈറേഞ്ച് പാതയില് മുണ്ടന്മുടി മുതല് കള്ളിപ്പാറ വരെയുള്ളറോഡില് അപകടം തുടര്ക്കഥയാകുന്നു. കഴിഞ്ഞ ദിവസം ഇവിടെ ഒരുഓട്ടോറിക്ഷ അപകടത്തില്പെട്ടിരുന്നു. അശാസ്ത്രീയമായ റോഡ്നിര്മ്മാണമാണ് അപകടകാരണം. കൊടുംവളവും ചെങ്കുത്തായ കയറ്റങ്ങളും
ഇറക്കങ്ങളും നിറഞ്ഞതാണ് പാത. യാത്രക്കാരുമായ വന്ന ഓട്ടോറിക്ഷകമ്പകകാനത്തിന് സമീപത്താണ് മറിഞ്ഞത്. അറുപതടി താഴ്ചയിലേക്ക്പോയ വണ്ടി ഒരു മരത്തില് തട്ടി നില്ക്കുകയായിരുന്നു.
തലനാരിഴയ്ക്കാണ് യാത്രക്കാര് നിസാര പരിക്കുകളോടെ രക്ഷപ്പെട്ടത്.ഇവിടെ ഇതിന് മുമ്പും അപകടമുണ്ടായിട്ടുണ്ട്. റോഡില് യാതൊരുവിധസുരക്ഷാ സംവിധാനങ്ങളോ മുന്നറിയിപ്പ് ബോര്ഡുകളോ പൊതുമരാമത്ത്വകുപ്പ് സ്ഥാപിച്ചിട്ടില്ല.
