മൂലമറ്റം: വിനോദസഞ്ചാര കേന്ദ്രമായ വാഗമണ്ണിലേക്ക് മൂലമറ്റത്തു നിന്നുമുള്ള റോഡ് അപകട ഭീഷണി ഉയര്ത്തുന്നു. നിരവധി വാഹനങ്ങള് കടന്നു പോകുന്ന റോഡിന് ആവശ്യത്തിന് വീതിയില്ല. മറ്റ് സ്ഥലങ്ങളില് നിന്നും എത്തുന്നവര്ക്ക് വളവും വീതി കുറവും വലിയ ബുദ്ധിമുട്ടാണ് ഉണ്ടാക്കുന്നത്.
റോഡിന്റെ ഘടനയെക്കുറിച്ച് ധാരണ ഇല്ലാത്തവര് അപകടത്തില് പെടുവാനുള്ള സാധ്യത ഏറെയാണ്. ഇന്നലെ മണപ്പാടിക്ക് സമീപം നടന്ന അപകടത്തില് ചെന്നെ സ്വദേശികള് അപകടത്തില് പെട്ടതും റോഡിനെക്കുറിച്ച് ധാരണ ഇല്ലാത്തതിനാലാണ്. കുത്തിറക്കം ഇറങ്ങി വന്ന കാര് ബ്രേക്ക് ചെയ്തപ്പോള് തെന്നി യാ ണ് അപകടം സംഭവിച്ചത് എന്നാണ് ദൃക്ക് സാക്ഷികള് നല്കുന്ന വിവരം. അപകടവിവരമറിഞ്ഞ് 101 ലേക്ക് വിളിച്ചിട്ടും യാതൊരു പ്രയോജനവുമുണ്ടായില്ലെന്ന് നാട്ടുകാര് പറഞ്ഞു. സ്ഥലത്തെത്തിയ ഫയര്ഫോഴ്സ് സംഘത്തിന് ആബുലന്സിന് ഡ്രൈവര് ഇല്ലാതിരുന്നതിനാല് അപകടത്തില് പെട്ടവരെ സഹായിക്കാന് കഴിഞ്ഞില്ല.
പഞ്ചായത്ത് മെമ്പര്മാരുടെ സഹായത്തോടെ നാട്ടുകാരാണ് പരിക്കേറ്റവരെ ആദ്യം മൂലമറ്റത്തെ സ്വകാര്യ ആശുപത്രിയില് എത്തിച്ചത്. പിന്നീട് ഇവരെ തൊടുപുഴയിലെ ആശുപത്രിയിലേക്ക് മാറ്റി.
