മലപ്പുറം: സ്വാതന്ത്ര്യദിനമായ ഇന്ന് ജില്ലയുടെ വിവിധ ഭാഗങ്ങളില്‍ ആഘോഷ പരിപാടികള്‍ നടപും. ക്ലബ്ബുകള്‍, സന്നദ്ധസംഘടനകള്‍, സ്‌കൂളുകള്‍ എന്നിവ കേന്ദ്രീകരിച്ച് വിപുലമായ പരിപാടികളാണ് ആസൂത്രണം ചെയ്തിരിക്കുന്നത്.
എംഎസ്പി പരേഡ് ഗ്രൗണ്ടില്‍ നടക്കുന്ന ജില്ലാതല സ്വാതന്ത്ര്യ ദിനാഘോഷ പരിപാടിയില്‍ മന്ത്രി കെ.ടി.ജലീല്‍ മുഖ്യാതിഥിയാകും. എംഎസ്പി, സായുധ പോലീസ്, പോലീസ്, എക്‌സൈസ്, ഫയര്‍ഫോഴ്‌സ്, ഫോറസ്റ്റ് തുടങ്ങി വിവിധ സേനാംഗങ്ങള്‍ അണിനിരക്കുന്ന സ്വാതന്ത്ര്യദിന പരേഡിന് മന്ത്രി അഭിവാദ്യം സ്വീകരിച്ച് സന്ദേശം നല്‍കും. പരേഡിന് എംഎസ്പി അസിസ്റ്റന്റ് കമാണ്ടന്റ് സി.വി.ശശി നേതൃത്വം നല്‍കും. കെ.രാജേഷ് സെക്കന്‍ഡ് ഇന്‍ കമാണ്ടന്റാവും.
പരേഡിന്റെ റിഹേഴ്‌സല്‍ എംഎസ്പി പരേഡ് ഗ്രൗണ്ടില്‍ തുടങ്ങി. ഇന്നും റിഹേഴ്‌സല്‍ നടക്കും. 13ന് രാവിലെ ഏഴിന് ഡ്രസ് റിഹേഴ്‌സല്‍ നടക്കും. സ്വാതന്ത്ര്യ ദിനത്തില്‍ രാവിലെ ഏഴിന് തുടങ്ങുന്ന പ്രഭാത ഭേരിയില്‍ പങ്കെടുക്കാനെത്തുന്ന വിദ്യാര്‍ത്ഥികള്‍ വരുന്ന വാഹനങ്ങള്‍ക്ക് സിവില്‍ സ്റ്റേഷന്‍ കോമ്പൗണ്ടില്‍ പ്രവേശനം അനുവദിക്കില്ല. ഏഴ് മുതല്‍ 7.30 വരെ പ്രഭാതഭേരി പരേഡ് ഗൗണ്ടില്‍ എത്തുന്നതു വരെ മലപ്പുറം-പെരിന്തല്‍ണ്ണ റോഡില്‍ കുന്നുമ്മല്‍ മുതല്‍ പരേഡ് ഗ്രൗണ്ട് വരെ ഗതാഗതം ക്രമീകരിക്കും.
പ്രതികരിക്കാൻ ഇവിടെ എഴുതുക: