കാസര്‍കോട്: കേരള എന്‍ജിഒ സംഘ് ജില്ലാ സമ്മേളനം ഇന്നും നാളെയുമായി കാസര്‍കോട് മുനിസിപ്പല്‍ കോണ്‍ഫറന്‍സ് ഹാളില്‍ നടക്കും.
ഇന്ന് ജില്ലാ കൗണ്‍സില്‍ സംസ്ഥന സെക്രട്ടറി പി.പീതാംബരന്‍ ഉദ്ഘാടനം ചെയ്യും. നാളെ രാവിലെ 9 മണിക്ക് പതാക ഉയര്‍ത്തും. തുടര്‍ന്ന് നടക്കുന്ന സമ്മേളനം സംസ്ഥാന സെക്രട്ടറി എസ്.കെ.ജയകുമാര്‍ ഉദ്ഘാടനം ചെയ്യും. ജില്ലാ പ്രസിഡണ്ട് എം.ഗംഗാധര അദ്ധ്യക്ഷത വഹിക്കും. ബിഎംഎസ് ജില്ലാ സെക്രട്ടറി എ.ശ്രീനിവാസന്‍, ബിജെപി ജില്ലാ ജനറല്‍ സെക്രട്ടറി എ.വേലായുധന്‍, പെന്‍ഷനേഴ്‌സ് സംഘ് ജില്ലാ സെക്രട്ടറി എന്‍ ജനാര്‍ദ്ദനന്‍, എബിവിപി ജില്ലാ കണ്‍വീനര്‍ പ്രണവ് എന്നിവര്‍ സംബന്ധിക്കും. ഉച്ചയ്‌ക്ക് നടക്കുന്ന സാംസ്‌കാരിക സമ്മേളനത്തില്‍ സംസ്‌കാര ഭാരിതി ദക്ഷിണ കന്നട ജില്ലാ കണ്‍വീനര്‍ കശെക്കോടി സത്യ നാരായണ ഭട്ട് മുഖ്യപ്രഭാഷണം നടത്തും.
പ്രതികരിക്കാൻ ഇവിടെ എഴുതുക: