പരപ്പനങ്ങാടി: ചെട്ടിപ്പടി റെയില്വേ ഗേറ്റ് പരിസരം ദുര്ഗന്ധപൂരിതമാകുന്നു. ഗേറ്റിന് സമീപത്തെ മീന് വില്പ്പനക്കാരും അനധികൃത മാംസക്കച്ചവടക്കാരും പരിസരമാകെ മലിനപ്പെടുത്തുകയാണ് തീരപ്രദേശമായതിനാല് ഇതുവഴി കടന്നു പോകുന്ന മീന് കയറ്റിയ ഇന്സലേറ്റ് കണ്ടയിനറുകള് ഗേറ്റ് അടവില്പെട്ടാല് ഇതില് നിന്ന് പൈപ്പ് വഴി റോഡിലൊഴുകുന്ന ഐസ് വെള്ളം പരിസരത്ത് കെട്ടിക്കിടക്കുകയാണ്.
ലെവല് ക്രോസില്പ്പെടുന്ന വാഹനങ്ങളിലെ യാത്രക്കാര്ക്ക് പോലും ഇതുവഴി മൂക്കുപൊത്താതെ കടന്നു പോകാനാകില്ല. മീന് കയറ്റുന്ന ലോറികളില് മലിനജലം നിരത്തിലൊഴുകാതിരിക്കാന് ടാങ്കുകളില് സംഭരിക്കണമെന്ന് ചട്ടമുണ്ടെങ്കിലും നടപ്പിലാകാറില്ല. ഫഌക്സിബിള് ട്യൂബ് വഴി മാലിന്യം റോഡിലൊഴുക്കുകയാണ് മിക്കവരും ചെയ്യുന്നത് .അനധികൃത മല്സ്യമാംസ വില്പ്പനയെക്കുറിച്ച് പരാതി നല്കിയിട്ടും നഗരസഭയുടെയും ആരോഗ്യവകുപ്പിന്റെയും ഭാഗത്തുനിന്നും യാതൊരു നടപടിയും ഉണ്ടായിട്ടില്ല.
