മുക്കം: മുത്താലം വിവേകാനന്ദ വിദ്യാനികേതനിലെ വിദ്യാര്ത്ഥികള് നാഗസാക്കി ദിനാചരണത്തില് യുദ്ധവിരുദ്ധ പ്രകടനവും സംമ്മേളനവും നടത്തി.
പ്രധാനാധ്യാപകന് കെ.കൃഷ്ണന് നമ്പൂതിരിയുടെ അധ്യക്ഷതയില് ചേര്ന്ന സമ്മേളനത്തില് അധ്യാപിക ഡി. പ്രമീള മുഖ്യപ്രഭാഷണം നടത്തി. സി.ഡി. ദിവ്യ, സാഗര്ദീപു, സ്കൂള് ലീഡര് അദൈ്വത്കൃഷ്ണ എന്നിവര് സംസാരിച്ചു.
രാമനാട്ടുകര: രാമനാട്ടുകര ഗണപത് എയുപിസ്കൂളില് ഹിരോഷിമ-നാഗസാക്കി ദിനാചരണം നടത്തി. സ്കൂളിലെ ഗണിതക്ലബ് അബാക്കസിന്റെ നേതൃത്വത്തില് മുഴുവന് കുട്ടികളും സമാധാന സന്ദേശമുയര്ത്തുന്ന സഡാക്കോ കൊക്കുകള് നിര്മ്മിച്ചുകൊണ്ടാണ് പരിപാടി സംഘടിപ്പിച്ചത്. സ്കൂള് ഹെഡ്മാസ്റ്റര് എം. പവിത്രന് ഉദ്ഘാടനം ചെയ്തു. ഗണിതാധ്യാപിക സുനിത എം, ഗണിക്ലബ് സെക്രട്ടറി ഭൂമിക പി, ജോ. സെക്രട്ടറി അഭിനവ്കൃഷ്ണ കെ.പി. എന്നിവര് സംസാരിച്ചു.
കോഴിക്കോട്: സില്വര് ഹില്സ് ഹയര്സെക്കണ്ടറി സ്കൂളില് സമാധാനദിനം ആചരിച്ചു. വിദ്യാര്ത്ഥികള് യുദ്ധവിരുദ്ധ സന്ദേശങ്ങള് നിറഞ്ഞ പ്ലക്കാര്ഡുകളും ചിത്രങ്ങളും പ്രദര്ശിപ്പിച്ചു. അസംബ്ലിയില് സമാധാനമുദ്രകളേന്തിയ കുട്ടികള് യുദ്ധവിരുദ്ധ പ്രതിജ്ഞയെടുത്തു. സ്കൂള് പ്രിന്സിപ്പല് ഡോ. ഫാ. ബിജു ജോണ് വെള്ളക്കട സമാധാന സന്ദേശം നല്കി.
മുക്കം:നാഗസാക്കി ദിനാചരണത്തോടനുബന്ധിച്ച് നീലേശ്വരം ഗവ ഹയര് സെക്കണ്ടറി സ്കൂളില് യുദ്ധവിരുദ്ധ റാലി നടത്തി. പോസ്റ്റര് നിര്മാണം ,ക്വിസ്സ് പ്രോഗ്രാം, എന്നിവയും നടത്തി. ഹെഡ്മിസ്ട്രസ് കെ.ഹേമലത ഉദ്ഘാടനം ചെയ്തു. വി.എം. ഗംഗാധരന് അധ്യക്ഷത വഹിച്ചു.എം.കെ.ബാബു ,ഹുസ്ന ഷെറിന്, സംസാരിച്ചു.എം.എന് നിഷ സ്വാഗതവും കെ.ടി.മുഹമ്മദ് നന്ദിയും പറഞ്ഞു.
മുക്കം: ഹിരോഷിമ നാഗസാക്കി ദിനാചരണത്തിന്റെ ഭാഗമായി ജെ.ആര്.സി മുക്കം ഉപജില്ല കമ്മറ്റി മുക്കം ടൗണില് യുദ്ധവിരുദ്ധ റാലിയും പൊതുസമ്മേളനവും നടത്തി. സമ്മേളനം മുക്കം നഗരസഭ ചെയാന് കുഞ്ഞന് മാസ്റ്റര് ഉദ്ഘാടനം ചെയ്തു. വാര്ഡ് മെമ്പര് മുക്കം വിജയന് അധ്യക്ഷത വഹിച്ചു.ഗര്വാ സിസ്, ശശി വെണ്ണക്കോട് എന്നിവര് പ്രസംഗിച്ചു. അധ്യാപകരായ പി.കെ.ശരീഫുദ്ദീന്, അബൂബക്കര് , ഖദീജ, ഷൈന, പിയാര എന്നിവര് നേതൃത്വം നല്കി.
