മല്ലപ്പള്ളി: ഐ.എച്ച്.ആര്.ഡി. അപ്ലൈഡ് സയന്സ് കോളേജിനും സ്കൂളിനും അധികമായി വേണ്ടിവരുന്ന സ്ഥലംകൂടി ഏറ്റെടുക്കാന് ബുധനാഴ്ച ചേര്ന്ന സംരക്ഷണ സമിതി യോഗത്തില് തീരുമാനിച്ചു.കോട്ടയംകോഴഞ്ചേരി സംസ്ഥാന പാതയോരത്ത് ചാലുങ്കല് ഭാഗത്ത് മൂന്നരയേക്കര് സ്ഥലം 1997ല് നാട്ടുകാര് സ്ഥാപനങ്ങള്ക്കായി നല്കിയിരുന്നു. എന്നാല്, കോളേജിന് അഞ്ചും സ്കൂളിന് ഒന്നരയും ഏക്കര് സ്ഥലമാണ് വേണ്ടത്. അതിനാല് മൂന്നേക്കര് സ്ഥലംകൂടി കണ്ടെത്താനാണ് നീക്കം.വസ്തു ഉടമകളുടെ പട്ടിക തയ്യാറാക്കുകയും അവരെ സമീപിക്കുന്നതിന് സമയം നിശ്ചയിച്ചതായും സമിതി കണ്വീനര് കൂടിയായ പഞ്ചായത്ത് പ്രസിഡന്റ് കുരുവിള ജോര്ജ് യോഗത്തില് അറിയിച്ചു. അടുത്ത യോഗം 16ന് ചാലുങ്കലെ ഐ.എച്ച്.ആര്.ഡി.യുടെ സ്ഥലത്ത് നടത്താനും തീരുമാനിച്ചു.ജില്ലാ പഞ്ചായത്തംഗം എസ്.വി.സുബിന്, ബ്ലോക്ക് പഞ്ചായത്ത് വൈസ് പ്രസിഡന്റ് കുഞ്ഞുകോശി പോള്, ഉണ്ണികൃഷ്ണന് നടുവിലേമുറി, ഡോ. ജേക്കബ് ജോര്ജ്, റജി ശാമുവല്, പ്രകാശ് വടക്കേമുറി, കെ.എസ്.സുമേഷ് തുടങ്ങിയവര് പങ്കെടുത്തു.
അധികമായി വേണ്ടിവരുന്ന സ്ഥലം ഏറ്റെടുക്കും : സംരക്ഷണ സമിതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.