കരുനാഗപ്പള്ളി: ശ്രീകൃഷ്ണജന്മദിനം ബാലദിനമായി ആഘോഷിയ്കുന്നതിന്റെ ഭാഗമായി ബാലഗോകുലത്തിന്റെ നേതൃത്വത്തില് കരുനാഗപ്പള്ളി താലൂക്കില് നടത്തുന്ന ആഘോഷ പരിപാടികളുടെ നടത്തിപ്പിനായിട്ടുള്ള സ്വാഗതസംഘം രൂപീകരിച്ചു പ്രവര്ത്തനമാരംഭിച്ചു. 2016 ആഗസ്റ്റ് 24ന് നടക്കുന്ന ശ്രീകൃഷ്ണ ജയന്തി ആഘോഷങ്ങള് വിപുലമായ പരിപാടികളോടെ താലൂക്കിലെ മുഴുവന് ക്ഷേത്രങ്ങള് കേന്ദ്രീകരിച്ചു നടത്തുവാന് യോഗത്തില് തീരുമാനിച്ചു. ഉറിയടി, ആധ്യാത്മികപ്രഭാഷണങ്ങള്, ഭജനകള്, സാംസ്കാരിക സമ്മേളനങ്ങള്, മധുര പലഹാര വിതരണം, പാല്പ്പായസം, അവില്പ്പൊതി വിതരണം എന്നിവ നടത്താനും 20ന് പതാകദിനത്തോട് അനുബന്ധിച്ച് തൈവെയ്ക്കാം തണലേകാം താപമകറ്റാം എന്ന സന്ദേശവുമായി ബാലഗോകുലങ്ങളുടെ നേതൃത്വത്തില് വൃക്ഷത്തൈ നടാനും യോഗത്തില് തീരുമാനിച്ചു. ഇതിന്റെ നടത്തിപ്പിലേക്ക് രാജന് (രക്ഷാധികാരി), സന്തോഷ് മാലുമേല് (ആഘോഷപ്രമുഖ്), അനില് നമ്പരുവികാല (വ്യവസ്ഥാപ്രമുഖ്), വേണു ജി.പി, ശ്രീജീവ് (പബ്ലിസിറ്റി), മാനൂര് രാജേന്ദ്രന്, ഉത്തമന് ഉണ്ണൂലേത്ത്, ഓച്ചിറ രവികുമാര്, കാര്ത്തികേയന്, വിജയന്, ധനരാജന്, സുധീഷ്, രവികുമാര്, സതീഷ് തേവനത്ത്, മണിമോഹന്, ഗണപതി എന്നിവരടക്കം 101 അംഗ സ്വാഗതസംഘം രൂപീകരിച്ചു. യോഗം ബാലഗോകുലം ജില്ലാ അധ്യക്ഷന് ശ്രീരംഗം സുധീഷ് ഉദ്ഘാടനം ചെയ്തു. ആര്.മുരളീധരന് സ്വാഗതവും ബാലഗോകുലം താലൂക്ക് സംഘടനാ കാര്യദര്ശി മഹേഷ് നന്ദിയും പറഞ്ഞു.
ചവറ: ചവറ താലൂക്ക് ബാലഗോകുലം സ്വാഗതസംഘം രൂപീകരിച്ചു. താലൂക്ക് പ്രസിഡന്റ് ബാലഗോപാലപ്രസാദിന്റെ അദ്ധ്യക്ഷതയില് ശങ്കരമംഗലം കാമന്കുളങ്ങര ക്ഷേത്ര ആഡിറ്റോറിയത്തില് നടന്ന യോഗത്തില് ഗോകുലം ജില്ലാ സംഘടന സെക്രട്ടറി ദിനേഷ്, ഗോകുലം ജില്ലാ ജനറല് സെക്രട്ടറി സുധീഷ്, ആര്എസ്എസ് ജില്ലാ സഹസേവാപ്രമുഖ് കല്ലേക്കുളംരാജന്, താലൂക്ക് കാര്യവാഹ് ജയറാം, താലൂക്ക് സേവാപ്രമുഖ് പൊന്മന മനോജ്, കണ്ണന്, രാജു, മാമ്പുഴ ശ്രീകുമാര്, രാജീവന് എന്നിവര് പങ്കെടുത്തു. ഡോ.ശ്രീകുമാറിനെ അദ്ധ്യക്ഷനായും മാമ്പുഴ ശ്രീകുമാറിനെ ഉപാദ്ധ്യക്ഷനായും പൊന്മന മനോജിനെ ആഘോഷ പ്രമുഖായും അനില്, രാജീവന്, രാജേഷ്, ഗോപകുമാര്, ശിവദാസന് എന്നിവരെ കമ്മിറ്റി അംഗങ്ങളായും തെരഞ്ഞെടുത്തു.
