തേഞ്ഞിപ്പലം: മന്ത്രതന്ത്ര വിദ്യാപീഠം ഗുരുകുലത്തില്‍ താന്ത്രിക പഠനം പൂര്‍ത്തിയാക്കിയവര്‍ക്കുള്ള സര്‍ട്ടിഫിക്കറ്റുകള്‍ ഗുരുപൂര്‍ണ്ണിമ ചടങ്ങില്‍ വിതരണം ചെയ്തു. അരിയല്ലൂര്‍ ഈസ്റ്റ് എല്‍പി സ്‌കൂളില്‍ നടന്ന ചടങ്ങില്‍ സ്വാമി ഭാരതീമഹാരാജ്, ഡോ.എം. പത്മനാഭന്‍, യജ്ഞാചര്യ മിനി വേണുഗോപാല്‍, എഴുത്തുകാരന്‍ ബാലന്‍ പൂതേരി, സിന്ധു പുഴക്കല്‍ എന്നിവര്‍ സര്‍ട്ടിഫിക്കറ്റ് വിതരണം നിര്‍വഹിച്ചു. ഗുരുപൂജ ഭാഗമായി മന്ത്രതന്ത്ര വിദ്യാപീഠം ആചാര്യനെ ശിഷ്യന്‍ രാധാകൃഷ്ണ ശര്‍മ്മ പൊന്നാട അണിയിച്ചു.
തുടര്‍ന്ന് ശിഷ്യഗണങ്ങള്‍ ഗുരുപ്രണാമം നടത്തി. ഗണപതി പൂജ, ഗുരുപാദുകസ്‌തോത്രം, അനുഗ്രഹപ്രഭാഷണം, പ്രസാദ വിതരണം എന്നിവയും നടന്നു. ഡോ.എം.പത്മനാഭന്‍ അദ്ധ്യക്ഷത വഹിച്ചു. പിടിപ്പഴി സുകുമാരശാന്തി, എന്‍.രാധാകൃഷ്ണന്‍, പി.വി.പുഷ്പാകരന്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: