എ​ഴു​ത്തി​ന്റെ​ അ​ച്ഛ​ൻ​

ഹരിനാമകീർത്തനം പാടി ഹരിയുടെ

ഹൃദയാന്തരേ വസിക്കും ഗുരുവരൻ

‘ഹരിഃശ്രീ’ എഴുതിച്ചെഴുത്തിന്റെ അച്ഛൻ

തരുമക്ഷരത്തിന്റെ തണലെൻ മനസ്സിൽ

വിരിക്കേണമൻപോടുദിക്കേണമുള്ളി-

ലോരക്ഷരാതീതപ്പൊരുളിൻ പ്രഭാവം

കൃഷ്ണനാമാചാര്യ രാമാനുജൻ മഹാ

കാവ്യകൃതൻ കുലനാമ,ഗേഹാദ്യതീതൻ

ഏവനുമേതുനേരത്തുമെന്നും ഹരിനാമ

രാസായനം കാവ്യനിറവോടെ നൽകിയും

വർണ്ണത്തിമിരമെഴുത്താണിയാൽ നീക്കിയും

സ്ഥിതപ്രജ്ഞധന്യമായ് ജീവിച്ചു കാട്ടിയും

‘ബോധഹീനന്മാർ്ക്കറിയാ’ന’റിവിന്റെ*

വാതായനം തുറന്നൻപുറവാർന്നവന്

തുഞ്ചത്തെഴുന്നോനെഴുത്തശ്ശനാശാൻ

ജാതി നാമാദി ഗുണങ്ങൾക്കതീതമായ്

കാലദേശാദി നിലകൾക്കുമപ്പുറം

ആദ്യക്ഷരം മുതൽ ആദി പരംപൊരുളാ-

ത്മനി ധ്യാനിച്ചുണർത്തുവാനായി

അദ്ധ്യാത്മരാമായണാദി കാവ്യസമ്പത്തിനാൽ

എത്രയും ധനികനീ ധന്യ,നെൻ ഭാഷയ്‌ക്കു താതൻ

*****************************

*വേദസമ്മതമായി മുൻപുള്ള ശ്രീരാമായണം

ബോധഹീനന്മാർക്കറിയാം ചൊല്ലീടുന്നേൻ-

അദ്ധ്യാത്മരാമായണം ബാലകാണ്ഡം