മനുഷ്യ ജന്മം

ഈ നിര്‍വ്വികാരമാം ലോകത്തില്‍ നിന്നും

മനുജന്‍ നാം അലതല്ലും കളിയോടം തന്നില്‍

നിറദീപം തെളിയുന്ന ഈ ഭൂമി തന്നില്‍

നാം വീണുപോയിടുന്നു ദു:ഖാര്‍ണ്ണവത്തില്‍

മൗനവും വാചാലമാക്കി മാറ്റും നിന്റെ

മൊഴികളാല്‍ താരാട്ടുപാടിയെങ്കില്‍

നിത്യതമസിന്‍ അഗാധമാം ഗര്‍ത്തത്തില്‍

വീണു പോയിടുന്നു മനുഷ്യ ജന്മം.

ജനിമൃതി സത്യമാണെങ്കിലും നിത്യവും

ഒരു നിമിഷം ഞാന്‍ സ്മരിച്ചിടുന്നു.

ക്രൂരതതന്‍ മുഖപടം നീങ്ങിയെങ്കില്‍

ഈ ധരതന്നില്‍ അമൃതമായ് മാറിയെങ്കില്‍

മനസ്സിന്റെ കോണുകള്‍ മിഴി തുറന്നു നില്‍ക്കെ

അറിയാതെ പോയി നിത്യമാം സത്യം

മനുജാ നീ ചൊല്ലു ഇനിയുമൊരു ജന്മം

ഈ ധരതന്നില്‍ വന്നുപിറന്നീടുമോ

നിത്യ ജ്യോതിത്സായി തെളിഞ്ഞീടുമോ?