കോഴഞ്ചേരി: പ്രശസ്തസിനിമാതാരവും എംപിയുമായ സുരേഷ്ഗോപി ചെറുകോല് ഉത്രാടം തിരുനാള് മാര്ത്താണ്ഡവര്മ്മ മഹാരാജാവിന്റെ സ്മാരകത്തില് പുഷ്പാര്ച്ചന നടത്തി. 2012 ല് മഹാരാജാവ് ചെറുകോല് പള്ളിയോടത്തിന് വള്ളസദ്യ വഴിപാട് നേരുകയും വഴിപാട് നടത്തുന്നതിനായി അദ്ദേഹം നേരിട്ട് എത്തുകയും ചെയ്തിരുന്നു. അദ്ദേഹത്തിന്റെ സന്ദര്ശനത്തിന്റെ ഫലമായി ചെറുകോല് പള്ളിയോടത്തിന് ശംഖും ശ്രീപത്മനാഭാ എന്ന് ആലേഖനം ചെയ്ത രാജമുദ്രയും നല്കിയിരുന്നു. മഹാരാജാവ് ദിവംഗതനായ ശേഷം അദ്ദേഹത്തിന്റെ സ്മരണയ്ക്കായി ചെറുകോല് പള്ളിയോടത്തിന് സമീപത്തായി ചെങ്ങന്നൂര് സ്വദേശി രാജു എന്ന ശില്പി നിര്മ്മിച്ച സ്മാരകം 2015 ജുലൈയില് ഗായകന് പി.വേണുഗോപാല്, സിനിമാതാരം ദേവന് എന്നിവരുടെ സാന്നിദ്ധ്യത്തില് ചലച്ചിത്രതാരം സുരേഷ്ഗോപി അനാശ്ചാദനം ചെയ്തിരുന്നു. ഈവര്ഷം മഹാരാജാവിന്റെ സ്മരണയ്ക്കായി കൊട്ടാരം ട്രസ്റ്റ് വക ചെറുകോല് പള്ളിയോടത്തിന്റെ വള്ളസദ്യ വഴിപാടില് പങ്കെടുക്കാന്കൂടി എത്തിയ സുരേഷ്ഗോരി എം.പി സ്മാരകത്തില് പുഷ്പാര്ച്ചന നടത്തിയത്. പ്രധാനമന്ത്രിയുടെ പേഴ്സണല് ആയൂര്വേദ ഡോക്ടര് ഡോ.ജയചന്ദ്രന്, കരയോഗം പ്രസിഡന്റ് സി.കെ.ഹരിശ്ചന്ദ്രന്, സെക്രട്ടറി പി.എന്.ഗംഗാധരന്നായര്, വാര്ഡ് മെമ്പര്മാരായ പ്രദീപ് ചെറുകോല്, സി.ജി.സന്തോഷ് കുമാര് എന്നിവര് അദ്ദേഹത്തോടൊപ്പം ഉണ്ടായിരുന്നു.
ഉത്രാടം തിരുനാള് മാര്ത്താണ്ഡ വര്മ്മ സ്മാരകത്തില് സുരേഷ്ഗോപി പുഷ്പാര്ച്ചന നടത്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.