അനധികൃതമായി കടത്തിയ 520 ലിറ്റര്‍ കള്ള് പിടികുടി

പരപ്പനങ്ങാടി: അനുമതിയും മതിയായ രേഖകളുമില്ലാതെ കടത്തിക്കൊണ്ടുവരികയായിരുന്ന 520 ലിറ്റര്‍ കള്ള് ചേലേമ്പ്രയില്‍ വെച്ച് എക്‌സൈസ് സംഘം പിടികുടി. വാഹനമോടിച്ച െ്രെഡവര്‍ മഞ്ചേരി നറുകര സ്വദേശി രാമകൃഷണന്‍(54) എന്നയാളെ അറസ്റ്റ് ചെയ്തു. കള്ള് കടത്താനുപയോഗിച്ച കെഎല്‍ 10 എടി 766 നമ്പര്‍ മഹീന്ദ്ര പിക്അപ്പ് വാനും പിടിച്ചെടുത്തിട്ടുണ്ട്. പാലക്കാട് ചിറ്റുരില്‍ നിന്ന് ചെര്‍പ്പുളശ്ശേരി മലപ്പുറം രാമനാട്ടുകര വഴി പോകേണ്ട ഈ വാഹനം റൂട്ട് മാറി ദേശീയപാത 17ല്‍ ചേലേമ്പ്രയില്‍ നിര്‍ത്തിയപ്പോഴായിരുന്നു അറസ്റ്റ്. കോഴിക്കോട് ഫറൂഖ് റെയിഞ്ചിലെ ഷാപ്പുകളില്‍ വില്‍പ്പന നടത്താനായി കൊണ്ടുപോകുന്ന കള്ളാണിത്. പരപ്പനങ്ങാടി റെയിഞ്ചിലെ അസി എക്‌സൈസ് ഇന്‍സ്‌പെക്ടര്‍ ടി.വി.സുരേന്ദ്രന്റെ നേതൃത്വത്തില്‍ പ്രിവന്റീവ് ഓഫീസര്‍മാരായ വി.കെ.സൂരജ്, ബി.ഹരികുമാര്‍, സിഇഒ മുരളീധരന്‍ എന്നിവരാണ് അന്വേഷണ സംഘത്തിലുണ്ടായിരുന്നത്.