പള്ളിക്കല്‍: തെരുവുനായയുടെ കടിയേറ്റ് അഞ്ചാം ക്ലാസ് വിദ്യാര്‍ത്ഥിക്ക് ഗുരുതര പരിക്ക്.
പുല്‍പ്പറമ്പ് ചെമ്പകശ്ശേരി സുരേഷിന്റെ മകന്‍ അഭിജിത്ത്(10)നെയാണ് ഇന്നലെ രാവിലെ തെരുവുനായ ആക്രമിച്ചത്. കാലിക്കറ്റ് സര്‍വകലാശാല സ്‌കൂളിലേക്ക് സഹോദരനൊപ്പം നടന്നു പോകുമ്പോഴായിരുന്നു ആക്രമണം. ഗുരുതരമായി പരിക്കേറ്റ അഭിജിത്ത് കോഴിക്കോട് മെഡിക്കല്‍ കോളേജില്‍ ചികിത്സയിലാണ്.
പള്ളിക്കല്‍ പഞ്ചായത്തിന്റെ വിവിധ ഭാഗങ്ങളില്‍ തെരുവുനായ ശല്ല്യം രൂക്ഷമായിരിക്കുകയാണ്. നിരവധി തവണ പരാതി നല്‍കിയിട്ടും പഞ്ചായത്ത് അധികൃതര്‍ നടപടി സ്വീകരിക്കുന്നില്ലെന്ന് നാട്ടുകാര്‍ ആരോപിക്കുന്നു.
പ്രതികരിക്കാൻ ഇവിടെ എഴുതുക: