ഇംഗ്ലണ്ടിനെ കീഴടക്കിയ ശേഷം ഐസ്‌ലന്‍ഡ് താരങ്ങള്‍
ഈ യൂറോ കപ്പിലെ ഏറ്റവും വലിയ അട്ടിമറികളിലൊന്നില്‍ ഇംഗ്ലണ്ടിനു തോല്‍വി. യൂറോ കപ്പിലെ കന്നിക്കാരായ ഐസ്‌ലന്‍ഡിനോട് ഒരു ഗോളിനു മുന്നിട്ടുനിന്ന ശേഷം തോറ്റു ഇംഗ്ലണ്ട്. ഇതോടെ റോയ് ഹോഡ്ജ്‌സണ്‍ ഇംഗ്ലണ്ടിന്റെ പരിശീലക സ്ഥാനവും രാജിവച്ചു. ആതിഥേയരായ ഫ്രാന്‍സാണ് ക്വാര്‍ട്ടറില്‍ ഐസ്‌ലന്‍ഡിന്റെ എതിരാളികള്‍.
നാലാം മിനിറ്റില്‍ നായകന്‍ വെയ്ന്‍ റൂണിയുടെ പെനല്‍റ്റി ഗോളില്‍ മുന്നിലെത്തിയ ഇംഗ്ലണ്ടിനെ രണ്ടു മിനിറ്റിനു ശേഷം റാഗ്നര്‍ സിഗുര്‍ഡ്‌സണ്‍ നേടിയ ഗോളില്‍ ഒപ്പംപിടിച്ചു ഐസ്‌ലന്‍ഡ്. റഹിം സ്റ്റെര്‍ലിങ്ങിനെ ഹല്‍ദോര്‍സണ്‍ വീഴ്‌ത്തിയതിന് പെനല്‍റ്റി ലഭിച്ചത്.
പിന്നീട് കളി തുടങ്ങിയ ആദ്യ നീക്കത്തില്‍ തന്നെ ഐസ്‌ലന്‍ഡ് സമനില പിടിച്ചു. 18ാം മിനിറ്റില്‍ സിഗ്‌തൊര്‍സണിലൂടെ അവര്‍ ലീഡും നേടി. ബൊദ്‌വാര്‍സണ്‍ നല്‍കിയ പാസില്‍ നിന്ന് ഗോള്‍. പന്ത് 63 ശതമാനം കൈവശം വച്ചട്ടും ഗോള്‍ തിരിച്ചടിക്കാന്‍ ഇംഗ്ലണ്ടിനായില്ല.
പ്രതികരിക്കാൻ ഇവിടെ എഴുതുക: