പാരീസ്: ലോക ചാമ്പ്യന്‍ ജര്‍മനിയും പോളണ്ടും യൂറോ കപ്പ് ഫുട്‌ബോളിന്റെ പ്രീ ക്വാര്‍ട്ടറില്‍. ഗ്രൂപ്പിലെ അവസാന മത്സരത്തില്‍ ജര്‍മനി മറുപടിയില്ലാത്ത ഒരു ഗോളിന് വടക്കന്‍ അയര്‍ലന്‍ഡിനെ കീഴടക്കിയപ്പോള്‍, പോളണ്ട് ഇതേ സ്‌കോറിന് ഉക്രൈനെ മറികടന്നു. ഗ്രൂപ്പില്‍ രണ്ടു ജയവും ഒരു സമനിലയുമായി ഇരു ടീമുകള്‍ക്കും ഏഴു പോയിന്റെങ്കിലും മികച്ച ഗോള്‍ ശരാശരി ജര്‍മനിയെ ഒന്നാമതെത്തിച്ചു.
അയര്‍ലന്‍ഡിനെ നിഷ്പ്രഭമാക്കുന്ന ആക്രമണവീര്യം ജര്‍മനി പുറത്തെടുത്തെങ്കിലും ഗോള്‍ മാത്രം ഒഴിഞ്ഞുനിന്നു. നിരവധി അവസരങ്ങള്‍ തുലച്ച മത്സരത്തില്‍ 29ാം മിനിറ്റില്‍ മരിയോ ഗോമസാണ് ഏക ഗോള്‍ നേടിയത്. തോമസ് മുള്ളര്‍ നല്‍കിയ പാസില്‍ നിന്ന് ഗോള്‍.
ഉക്രൈനെതിരെ പോളണ്ടും ഗോളവസരങ്ങള്‍ പാഴാക്കി. സൂപ്പര്‍ താരം റോബര്‍ട്ടോ ലെവന്‍ഡോവ്‌സ്‌ക്കി തിളങ്ങാതിരുന്ന മത്സരത്തില്‍ യാക്കുബ് ബ്ലാസികോവ്‌സ്‌ക്കിയാണ് വിജയ ഗോള്‍ നേടിയത്. മിലിക്ക് നല്‍കിയ പാസില്‍നിന്ന് ഗോള്‍.
പ്രതികരിക്കാൻ ഇവിടെ എഴുതുക: