അസുരനായ ജലന്ധരനും പരമശിവനും തമ്മില് ഘോരയുദ്ധം നടന്നു. ദിവസങ്ങളോളം യുദ്ധം നീണ്ടുനിന്നു. എങ്ങനെയൊക്കെ ശ്രമിച്ചിട്ടും ജലന്ധരനെ കീഴടക്കാന് പരമശിവനു സാധിച്ചില്ല. ജലന്ധരനെ പരാജയപ്പെടുത്താന് കഴിയാത്തതിന്റെ കാരണം ആ അസുരന്റെ ഭാര്യയായ വൃന്ദയുടെ പാതിവ്രത്യത്തിന്റെ ശക്തിയായിരുന്നു.
എന്തെങ്കിലും സൂത്രം ചെയ്താല് മാത്രമേ ജലന്ധരനെ കീഴടക്കാന് സാധിക്കൂ എന്ന് മഹാവിഷ്ണു മനസ്സിലാക്കി. ഉടന് തന്നെ മഹാവിഷ്ണു തന്റെ കാവല്ക്കാരായ ജയവിജയന്മാരുടെ സഹായത്തോടെ ജലന്ധരന്റെ വേഷം ധരിച്ച് വൃന്ദയുടെ സ്ത്രീത്വം നഷ്ടപ്പെടുത്തി. താന് ചതിക്കപ്പെട്ടതറിഞ്ഞ് വൃന്ദ മഹാവിഷ്ണുവിനേയും ജയവിജയന്മാരേയും ശപിച്ചു:
‘ഭര്ത്താവിന്റെ വേഷം ധരിച്ച് എന്നെ വഞ്ചിച്ച അല്ലയോ വിഷ്ണുദേവാ, അങ്ങ് ഭൂമിയില് മനുഷ്യനായി പിറക്കട്ടെ. രാക്ഷസന്മാരുടെ രൂപമെടുത്ത്വന്ന് എന്നെ ഭയപ്പെടുത്തിയ ജയവിജയന്മാര് രാക്ഷസരായിത്തന്നെ ഭൂമിയില് പിറക്കും.
ആ സമയത്ത് മനുഷ്യനായിപ്പിറന്ന മഹാവിഷ്ണുവിന്റെ ഭാര്യയെ രാക്ഷസരായി പിറന്ന ഇവര് മോഷ്ടിച്ചു കൊണ്ടു പോവുകയും ചെയ്യുകയും അതിന്റെ ദുഃഖം അന്ന് അനുഭവിക്കുകയും ചെയ്യും.’വൃന്ദ നല്കിയ ശാപഫലമാണ് സീതയെ രാക്ഷസര് അപഹരിച്ചതെന്ന് രാമന് ഓര്ക്കുന്നതായി തത്ത്വസംഗ്രഹരാമായണത്തില് വിവരിക്കുന്നു.
(തുടരും)
