കാര്ഷിക മേഖലയായ നമ്മുടെ കൊച്ചുകേരളത്തില് കാലവര്ഷത്തെ ആശ്രയിച്ചാണ് ഇന്നും പലയിടത്തും കൃഷിപ്പണി നടത്തിവരുന്നത്. പുഴകളില്നിന്നും മോട്ടോര് പമ്പ് ചെയ്തുള്ള കൃഷിയും വ്യാപകമാണ്. അനുകൂലമായ കാലാവസ്ഥയാണ് കൃഷിമേഖയായി തെരഞ്ഞെടുക്കുവാന് കാരണം. ഇടവപ്പാതി മുതല് വരുന്ന മഴയാണ് നമ്മുടെ ഐശ്വര്യത്തിന്റെ മൂലം, ഇക്കാലത്താണ് പ്രശസ്തമായ തിരുവാതിര ഞാറ്റുവേല.
വിവിധതരത്തിലുള്ള ചെറുകൃഷികള് അതായത് പയര് തുടങ്ങി അടുക്കളത്തോട്ട നിര്മ്മിതിക്കാവശ്യമായ വിളകള് നടുന്നത് ഈ കാലത്താണ്. കഴിഞ്ഞ രാത്രി മുതല് തുടക്കം കുറിച്ച ഞാറ്റില കര്ഷകര്ക്കുള്ള നല്ല കാലമാണ്. കരുമുളക് കൊടി നടുന്നതും ഈകാലത്തുതന്നെയാണ്. പ്രകൃതിയില് വിവിധ ഋതുക്കളില് ഉണ്ടായിരിക്കുന്ന മഞ്ഞ്, മഴ, വെയില്, ഇടിമിന്നല്, ഇവയെല്ലാം ഈ സമയത്ത് മാറിമാറി വരുന്നു.
ഇങ്ങനെയുള്ള അതിമനോഹരമായ കാലാവസ്ഥയാല് പലേതരത്തിലുള്ള വിളകളും നമുക്ക് സ്വന്തമായി ഉത്പാദിപ്പിക്കുവാന് സാധിക്കുന്നു. മലമ്പ്രദേശത്തും തീരപ്രദേശത്തും ഇടനാടുകളിലും വളരെ വ്യത്യസ്ഥമായ കൃഷിപ്പണികളാണ് നിലനില്ക്കുന്നത്. പ്രാദേശികമായിട്ടുള്ള വിളകളാല് നമുക്കുവേണ്ട അവശ്യവസ്തുക്കള് ലഭിക്കുന്നു.
കാലഭേദമനുസരിച്ചുള്ള വിളകള് നമുക്ക് ഭക്ഷ്യയോഗ്യമായി ലഭിക്കുന്നതിന്നാല് വീട്ടുതോട്ടങ്ങള് വളരെ അത്യാവശ്യംതന്നെയാണ്. ഏറെക്കാലം നിലനില്ക്കുന്ന വിളകളാല് നാം സമ്പന്നരാണ്. നേന്ത്രവാഴ, ചെറുവാഴ തുടങ്ങിയവ, ചേമ്പ്, ചേന കിഴങ്ങുവര്ഗങ്ങള് എന്നിവയെല്ലാം കൊണ്ട് ഒരു വര്ഷക്കാലത്തേയ്ക്കുള്ള കറിക്കാവശ്യമായ ചെറുകൃഷികള് നമ്മുടെ മുതല്ക്കൂട്ടുകളാണ്. കഴിഞ്ഞ രാത്രി 11 മണി മുതല് തുടങ്ങിയ തിരുവാതിര ഞാറ്റുവേല ജൂലായ് 5ന് രാത്രി10.35 വരെയാണ്. തുടര്ന്നുള്ള പുണര്തം ഞാറ്റുവേല പൊതുവെ നമുക്ക് നല്ല മഴ ലഭിക്കാറുണ്ട്.
