പത്തനംതിട്ട: വനസംരക്ഷണത്തിന് കേന്ദ്ര സര്ക്കാരില്നിന്നു കൂടുതല് സാമ്പത്തിക സഹായം തേടുമെന്ന് വനംവകുപ്പു മന്ത്രി കെ. രാജു പറഞ്ഞു. കേരള ഫോറസ്റ്റ് പ്രൊട്ടക്ടീവ് സ്റ്റാഫ് അസോസിയേഷന് 42-ാം സംസ്ഥാന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ഡെപ്യൂട്ടി റേഞ്ചര്മാര്ക്ക് ബാഡ്ജ് അനുവദിക്കുന്നതിനുള്ള ഫയലിലാണ് താന് ആദ്യം ഒപ്പിടുകയെന്ന് മന്ത്രി പറഞ്ഞു.
വനംകയ്യേറ്റവും കൊള്ളയും അനുവദിക്കില്ല. മുന് എല്ഡിഎഫ് സര്ക്കാരിന്റെ കാലത്ത് വനവിസ്തൃതി 55,000 ഏക്കാര് കൂടിയിരുന്നു. വിസ്തൃതി ഇനിയും വര്ദ്ധിപ്പിക്കാനും സംരക്ഷണത്തിനും തുടര് നടപടികളുണ്ടാകും. വനാന്തരങ്ങളില് ക്യാമ്പുചെയ്യുന്ന ബീറ്റ് ഫോറസ്റ്റ് ഓഫീസര്മാര്ക്ക് ആധുനിക ഉപകരണങ്ങള് അനുവദിക്കും.
വനപാലകരുടെ ജോലിസമയം ക്രമീകരിക്കുന്നതുള്പ്പെടെ അസോസിയേഷന് ഉന്നയിച്ച കാര്യങ്ങളില് സര്ക്കാര് നടപടിയെടുക്കുമെന്ന് മന്ത്രി പറഞ്ഞു. അസോസിയേഷന് സംസ്ഥാന പ്രസിഡന്റ് കെ. ജയകുമാര് അദ്ധ്യക്ഷത വഹിച്ചു. ഇന്ന് പ്രതിനിധി, യാത്രയയപ്പ് സമ്മേളനങ്ങള് നടക്കും. നാളെ പരിസ്ഥിതി സെമിനാറില് പ്രമുഖര് പങ്കെടുക്കും. പുതിയ ഭാരവഹികളെ തിരഞ്ഞെടുക്കും.
