പത്തനംതിട്ട : അന്തരിച്ച ആദ്യകാല സിനിമാനടി ഓമല്ലൂര്‍ ചെല്ലമ്മയ്ക്ക് നാടിന്റെ അന്ത്യാഞ്ജലി. വീട്ടുവളപ്പില്‍ നടന്ന സംസ്‌ക്കാര ചടങ്ങുകളില്‍ നൂറുകണക്കിനാളുകള്‍ പങ്കെടുത്തു. വിവിധ സാമൂഹിക , സാംസ്‌കാരിക സംഘടനാ നേതാക്കള്‍ അന്തിമോപചാരം അര്‍പ്പിക്കാന്‍ എത്തിയിരുന്നു. എന്നാല്‍ ആദ്യകാല കലാകാരി എന്ന നിലയില്‍ സര്‍ക്കാര്‍ പ്രതിനിധികളോ, സാംസ്‌കാരിക വകുപ്പ് ഉദ്യോഗസ്ഥരോ ചടങ്ങില്‍ പങ്കെടുക്കാതിരുന്നത് ശ്രദ്ധേയമായി. കലാരംഗത്തെ വളരെയേറെ സ്‌നേഹിച്ച കലാകാരി എന്ന നിലയില്‍ അര്‍ഹിക്കുന്ന പരിഗണനയും ആദരവും സര്‍ക്കാരിന്റെ ഭാഗത്തുനിന്നും ലഭിക്കാത്തതില്‍ നാട്ടുകാര്‍ക്കും ഏറെ വേദനയുണ്ട്. അവഗണനയിലുള്ള പ്രതിഷേധം പലരും പങ്കുവെയ്‌ക്കുന്നുണ്ടായിരുന്നു.
ഓമല്ലൂര്‍ ഫിലിം സൊസൈറ്റിയുടെയും ജെസിഐ ഓമല്ലൂര്‍ ചാപ്റ്ററിന്റെയും ഗ്രാമപഞ്ചായത്തിന്റെയും നേതൃത്വത്തില്‍ ഓമല്ലൂര്‍ ചെല്ലമ്മ അനുസ്മരണം സംഘടിപ്പിച്ചു. പഞ്ചായത്ത് പ്രസിഡന്റ് ഗീതാ വിജയന്‍ അധ്യക്ഷത വഹിച്ചു. ഓമല്ലൂര്‍ ശങ്കരന്‍, എ. ജി. ഉണ്ണികൃഷ്ണന്‍, എം. കെ. വാസു, മനോജ് സുനി, സജി ജോര്‍ജ്, ഡോ. പി. ആര്‍. സുജിത്ത്, രാജേഷ് ഓമല്ലൂര്‍ എന്നിവര്‍ പ്രസംഗിച്ചു.
പ്രതികരിക്കാൻ ഇവിടെ എഴുതുക: