കാറ്റിലും മഴയിലും വീട് തകര്‍ന്നു

കോന്നി: കഴിഞ്ഞ ദിവസമുണ്ടായ ശക്തമായ മഴയില്‍ ചെങ്ങറ മുക്ക് മേപ്പുറത്ത് വീട്ടില്‍ മോഹനന്റെ വീട് തകര്‍ന്നു.

ഭിത്തികള്‍ പൊട്ടുകയും മേല്‍കൂര പൂര്‍ണ്ണമായി തകരുകയും ചെയ്തതോടെ വീട് ഒരുവശത്തേക്ക് ചരിയുകയും ചെയ്തിട്ടുണ്ട്.മഴ ശക്തമായതിനെ തുടര്‍ന്ന് വീടിന്റെ ബലക്ഷയം മനസിലാക്കി ഒരാഴ്ചയായി വീട്ടിലുള്ളവര്‍ മാറി താമസിക്കുകയായിരുന്നു.ഇത് വലിയ ദുരന്തം ഒഴിവാകുന്നതിന് കാരണമായി.വെള്ളിയാഴ്ച രാത്രിയിലാണ് വലിയ ശബ്ദത്തോടെ മേല്‍ക്കൂര നിലം പൊത്തിയത്.ഇതോടെ നിര്‍ദ്ധനകുടുംബത്തിന് കേറികിടക്കാന്‍ ഇടമില്ലാതായി.