കാഞ്ഞങ്ങാട്: കാഞ്ഞങ്ങാട് സേവാഭാരതിയുടേയും ഗവ.ജില്ലാ ഹോമിയോ മെഡിക്കല്‍ ആശുപത്രിയുടേയും സംയുക്താഭിമുഖ്യത്തില്‍ 21ന് രാവിലെ 9.30 മുതല്‍ കാഞ്ഞങ്ങാട് വ്യാപാരഭവനില്‍ സൗജന്യ ഹോമിയോ മെഡിക്കല്‍ ക്യാമ്പ് നടത്തും. ജില്ലാ ഹോമിയോ ഗവ.ആശുപത്രി സൂപ്രണ്ട് ഡോ.വി.സുലേഖ ഉദ്ഘാടനം ചെയ്യും. സേവാഭാരതി പ്രസിഡന്റ് കെ.വി.ലക്ഷ്മണന്‍ അധ്യക്ഷത വഹിക്കും. രാഷ്‌ട്രീയ സ്വയംസേവക സംഘം ജില്ലാ സഹകാര്യവാഹ് ശ്രീജിത്ത് പ്രഭാഷണം നടത്തും. കാഞ്ഞങ്ങാട് മര്‍ച്ചന്റ്‌സ് അസോസിയേഷന്‍ പ്രസിഡന്റ് യൂസഫ്ഹാജി, സേവാഭാരതി സെക്രട്ടറി കെ.ബാലകൃഷ്ണന്‍ എന്നിവര്‍ സംസാരിക്കും. ക്യാമ്പില്‍ വിദഗ്ധരായ ഡോക്ടര്‍മാര്‍ രോഗികളെ പരിശോധിക്കുന്നതോടൊപ്പം പങ്കെടുക്കുന്ന മുവുവന്‍ രോഗികള്‍ക്കും ഔഷധച്ചെടികള്‍ വിതരണം ചെയ്യും. തുടര്‍ന്ന് അന്തര്‍ദേശീയ യോഗ ദിനാചരണത്തിന്റെ ഭാഗമായി യോഗാ പ്രദര്‍ശനം നടക്കും. നിത്യ ജീവിതത്തില്‍ യോഗയുടെ പ്രാധാന്യത്തെക്കുറിച്ച് പ്രമുഖര്‍ ക്ലാസെടുക്കും.
Tuesday, November 26, 2024
സൗജന്യ ഹോമിയോ മെഡിക്കല്‍ ക്യാമ്പും യോഗ ദിനാചരണവും
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: