മല്ലപ്പള്ളി: ഭാരത സംസ്‌ക്കാരം ശക്തമായ വെല്ലുവിളി നേരിട്ടുകൊണ്ടിരിക്കുകയാണെന്ന് രാഷ്‌ട്രീയ സ്വയംസേവകസംഘം പ്രാന്തീയ സമ്പര്‍ക്ക പ്രമുഖ് കെ.ബി.ശ്രീകുമാര്‍ പറഞ്ഞു.
ആര്‍എസ്എസ് മല്ലപ്പള്ളി മണ്ഡലത്തിന്റെ ആഭിമുഖ്യത്തില്‍ തിരുമാലിട മഹാദേവര്‍ ക്ഷേത്രം ഓഡിറ്റോറിയത്തില്‍ നടന്ന ഹിന്ദു സാമ്രാജ്യദിനാഘോഷം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ലോകംതന്നെ നിലനില്‍ക്കുന്നത് ഭാരതം കേന്ദ്രമായിട്ടാണ്. ഭാരതം ഹിന്ദുകേന്ദ്രീകൃതമാണ്. ശക്തമായ ഒരു സാമ്രാജ്യത്തെ കൊണ്ടുവരികയാണ് ആര്‍എസ്എസിന്റെ ലക്ഷ്യമെന്നും അദ്ദേഹം പറഞ്ഞു.
യോഗത്തില്‍ ഉണ്ണികൃഷ്ണന്‍നായര്‍ അദ്ധ്യക്ഷതവഹിച്ചു. താലൂക്ക് സംഘചാലക് ഡോ.പി.ആര്‍.സതീഷ് സന്നിഹിതനായിരുന്നു. ഇക്കഴിഞ്ഞ എസ്എസ്എല്‍സി, പ്ലസ് ടു പരീക്ഷകളില്‍ ഉന്നത വിജയം കൈവരിച്ച വിദ്യാര്‍ത്ഥികള്‍ക്ക് സമ്മാനങ്ങള്‍ നല്‍കി അനുമോദിക്കുകയും ചെയ്തു.
പ്രതികരിക്കാൻ ഇവിടെ എഴുതുക: