പത്തനംതിട്ട: വിദ്യാര്‍ത്ഥികള്‍ക്ക് ബസ് കണ്‍സഷന്‍ കാര്‍ഡ് ഉടന്‍ വിതരണം ചെയ്യാന്‍ എഡിഎമ്മിന്റെ ചുമതലയുള്ള ഐ.അബ്ദുള്‍ സലാമിന്റെ അധ്യക്ഷതയില്‍ ചേര്‍ന്ന സ്റ്റുഡന്റ്‌സ് ട്രാവല്‍ ഫെസിലിറ്റി കമ്മിറ്റി യോഗം തീരുമാനിച്ചു. ജൂലൈ ഒന്നു മുതല്‍ എല്ലാ വിദ്യാര്‍ഥികള്‍ക്കും കാര്‍ഡ് നിര്‍ബന്ധമാക്കും. മുന്‍ വര്‍ഷത്തെ അധികം വന്ന കാര്‍ഡ് ഇത്തവണ ഉപയോഗിക്കും. കാര്‍ഡുകള്‍ സൗജന്യമായി നല്‍കും. കാര്‍ഡ് വിതരണത്തിന് കുടുംബശ്രീ അംഗങ്ങളുടെ സേവനം പ്രയോജനപ്പെടുത്താന്‍ യോഗം തീരുമാനിച്ചു.
അടൂര്‍-ചെങ്ങന്നൂര്‍ റൂട്ടില്‍ വൈകിട്ട് ആറുമണിക്ക് കെ.എസ്.ആര്‍.ടി.സി ഓര്‍ഡിനറി സര്‍വീസ് നടത്തുന്നത് പരിഗണിക്കും. സമയം വൈകിയെന്ന കാരണത്താല്‍ വിദ്യാര്‍ഥികള്‍ക്ക് ബസ് ജീവനക്കാര്‍ കണ്‍സഷന്‍ നിഷേധിക്കരുതെന്നും തീരുമാനമായി. ആര്‍.ടി.ഒ ആര്‍.രാമചന്ദ്രന്‍ നായര്‍, കെ.എസ്.ആര്‍.ടി.സി, പോലീസ്, മോട്ടോര്‍ വാഹന വകുപ്പ് ഉദ്യോഗസ്ഥര്‍, ബസ് ഉടമകള്‍, കോളേജ് പ്രതിനിധികള്‍, വിദ്യാര്‍ഥി സംഘടനാ പ്രതിനിധികള്‍ തുടങ്ങിയവര്‍ യോഗത്തില്‍ പങ്കെടുത്തു.ചെയ്തത്.
പ്രതികരിക്കാൻ ഇവിടെ എഴുതുക: