പത്തനംതിട്ട: കല്ലൂപ്പാറ പുതുശേരിയില്‍ തോട്ടത്തില്‍പടി വളവില്‍ കെ.എസ്.ആര്‍.ടി. ബസുകള്‍ കൂട്ടിയിടിച്ച് 31 പേര്‍ക്ക് പരിക്കേറ്റു. നിറയെ യാത്രക്കാരുമായി ചെങ്ങന്നൂരില്‍ നിന്നും മല്ലപ്പള്ളിയിലേക്ക് വരികയായിരുന്ന മല്ലപ്പള്ളി ഡിപ്പോയിലെ ആര്‍.എസ്.സി. 147 -ാം നമ്പര്‍ വേണാട് ബസും എതിരെ വന്ന ഇതേ ഡിപ്പോയിലേതന്നെ ആര്‍.എന്‍.സി. 993 -ാം നമ്പര്‍ വേണാട് ബസുമായി നേര്‍ക്കുനേരെ കൂട്ടിയിടിക്കുകയായിരുന്നു. ഇന്നലെ രാവിലെ 10.30 ഓടെയായിരുന്നു അപകടം.
പരിക്കേറ്റവരെ തിരുവല്ല, മല്ലപ്പള്ളി തുടങ്ങിയ സ്ഥലങ്ങളിലെ ആശുപത്രികളില്‍ പ്രവേശിപ്പിച്ചു. പരിക്കേറ്റ ബസ് ഡ്രൈവര്‍ കിഷോര്‍ മല്ലപ്പള്ളി താലൂക്ക് ആശുപത്രിയില്‍ ചികിത്സയിലാണ്. ശരീരമാസകലം പരിക്കേറ്റ മൂന്ന് യാത്രക്കാരെ കോട്ടയം മെഡിക്കല്‍ കോളജ് ആശുപത്രിയിലും, 14 പേരെ തിരുവല്ലാ താലൂക്ക് ആശുപത്രിയിലും, 13 പേരെ തിരുവല്ല പുഷ്പഗിരി മെഡിക്കല്‍ കോളജ് ആശുപത്രിയിലും പരിക്കുകളോടെ പ്രവേശിപ്പിച്ചു. തലയ്‌ക്കും മുഖത്തും പരിക്കേറ്റവരാണ് അധികവും. യാത്രക്കാരില്‍ മൂന്നു പേരുടെ കാലൊടിഞ്ഞിട്ടുണ്ട്.
പരിക്കേറ്റ കവിയൂര്‍ കോട്ടൂര്‍ ആശാന്‍പുളിക്കല്‍ രമ്യ ഭവനില്‍ മണി(44), കടമ്പനാട് പാലക്കുന്നില്‍ ജോര്‍ജ്(65), ഭാര്യ ലീലാമ്മ(50) എന്നിവരെ തിരുവല്ല താലൂക്ക് ആശുപത്രിയില്‍ നിന്നും കോട്ടയം മെഡിക്കല്‍ കോളജിലേക്ക് മാറ്റി. കവിയൂര്‍ ആരംപുളിക്കല്‍ രമ്യാഭവനില്‍ രേശ്മ(17), നെടുങ്ങാടപ്പള്ളി തുമ്പിക്കാക്കുഴിയില്‍ ലതാ ഷാജി(38), പുതുശേരി മഠത്തുംഭാഗം നോര്‍ത്ത് കല്ലുകുഴിയില്‍ ദീപ്തി(28), മുരണി ഈട്ടിക്കല്‍ വീട്ടില്‍ സിനി(31), മല്ലപ്പള്ളി പുള്ളോലിക്കല്‍ വീട്ടില്‍ ശോഭന(40), മകന്‍ അശ്വന്ത്(11),തിരുവല്ല കറ്റോട് ചാരുംമൂട്ടില്‍ വീട്ടില്‍ ബിന്ദുമോള്‍(31), പാണ്ടനാട് ചാത്തലേത്ത് വീട്ടില്‍ ശിവന്‍(48), മല്ലപ്പള്ളി വൈക്കത്തുവീട്ടില്‍ ജി.കെ. നായര്‍(46), കടമാന്‍കുളം കല്ലുകുഴിയില്‍ വീട്ടില്‍ കെ.കെ. സണ്ണി(59), റാന്നി പുത്തന്‍പറമ്പില്‍ ദേവരാജ്(42), കല്ലൂപ്പാറ നമ്പുരയ്‌ക്കല്‍ ചെല്ലമ്മ(60), ശാന്തിപുരം തെരളിക്കല്‍ വീട്ടില്‍ മറിയാമ്മ(70) ആനിക്കാട് കല്ലുകുന്നേല്‍ രാഖി(26), എന്നിവരെ തിരുവല്ല താലൂക്ക് ആശുപത്രിയില്‍ പ്രവേശിപ്പിച്ചു.
വെണ്ണിക്കുളം പാട്ടത്തില്‍ വീട്ടില്‍ എം.ആര്‍. ശശി(59), കടമാന്‍കുളം മാവുങ്കല്‍ വീട്ടില്‍ ഗോപാലന്‍(43), കടമാന്‍കുളം മണ്ണന്‍ചിറയില്‍ അച്ചാമ്മ തോമസ്(68), ചെങ്ങന്നൂര്‍ തിരുവന്‍വണ്ടൂര്‍ അരീത്തറയില്‍ എല്‍സമ്മ മധു(49) എന്നിവരെ തിരിവല്ല പുഷ്പഗിരി മെഡിക്കല്‍ കോളജ് ആശുപത്രിയിലാണ് പ്രവേശിപ്പിച്ചത്. അപകടത്തെ തുടര്‍ന്ന് നിസാര പരിക്കുകള്‍ പറ്റിയ ഒരു കുടുംബത്തിലെ നാലുപേര്‍ അടക്കം ഒമ്പതു പേരെ പ്രാഥമിക ചികിത്സയ്‌ക്കായി പുഷ്പഗിരി മെഡിക്കല്‍ കോളജില്‍ പ്രവേശിപ്പിച്ചിട്ടുണ്ട്. തിരുവന്‍വണ്ടൂര്‍ അരീത്തറയില്‍ വീട്ടില്‍ എ.ജെ മോന്‍സി(36), ബ്ലസി സാം (37), ഷൈനി തോമസ്(35), അലന്‍ മോന്‍സി(3) എന്നിവരും കടമാന്‍കുളം മണ്ണില്‍വീട്ടില്‍ ഷൈനി പി. തോമസ്(32), കടമാന്‍കുളം ബഥനി ശാന്തിഭവന്‍ രമ ഹരിദാസ്(47), വര്‍ക്കല ഷീന നിവാസില്‍ ഷീന അനില്‍(35), കവിയൂര്‍ അനുഭവനില്‍ ഉഷാ ദേവി(54), കവിയൂര്‍ പേരൂര്‍ വീട്ടില്‍ ലക്ഷ്മി എസ്. കുമാര്‍(18) എന്നിവരെയും പുഷ്പഗിരിയില്‍ പ്രാഥമിക ചികിസ്തയ്‌ക്കായി പ്രവേശിപ്പിച്ചു.
കൊടുംവളവില്‍ സമീപത്തെ പുരയിടത്തില്‍ നിന്നും റോഡിലേക്ക് ചാഞ്ഞുനിന്ന വാഴയിലകള്‍ ഇരുവാഹനങ്ങളിലെയും ഡ്രൈവര്‍മാരുടെ കാഴ്ചക്ക് തടസം സൃഷ്ടിച്ചതാണ് അപകടകാരണമെന്ന് കെഎസ്ആര്‍ടിസി അധികൃതരുടെ പ്രാഥമിക നിഗമനം.
പ്രതികരിക്കാൻ ഇവിടെ എഴുതുക: