കരുവാരക്കുണ്ട്: ആവേശം നിറച്ച് മലയോരത്ത് വര്ണ്ണാഭമായ പ്രവേശനോത്സവം. ചാറ്റല് മഴയെ പോലും അവഗണിച്ച് നടന്ന സ്കൂള് പ്രവേശനോത്സവമാണ് നാടിന്റെ ഉത്സവമായി മാറിയത്. കരുവാരക്കുണ്ട് പഞ്ചായത്ത് തല പ്രവേശനോത്സവം തരിശ് ഗവ.എല്പി സ്കൂളില് ഗ്രാമ പഞ്ചായത്ത് പ്രസിഡന്റ് കെ.മുഹമ്മദ് ഉദ്ഘാടനം ചെയ്തു .പി ടിഎ പ്രസിഡന്റ് പി.ടി സൈനുദ്ദീന്, ബ്ലോക്ക് വൈസ് പ്രസിഡന്റ് കെ. റംല, വാര്ഡ് അംഗങ്ങളായ ഉണ്ണിന് കുട്ടി,ബിജിന സി.കെ,പി കെ സൈനബ, ഷീന ജില്സ്, നളന്ദ കോളേജ് പ്രിന്സിപ്പാള് എ.പ്രഭാകരന്, ഒ.പി അബൂബക്കര്, ഷാക്കിര് തുവ്വൂര്, വി.സതീഷ് കുമാര്, കെ.അനിത, കെ.കൃഷ്ണന്കുട്ടി ,സോണിയ, ഹംസ എന്നിവര് സംസാരിച്ചു. വിവിധ പരീക്ഷകളില് ഉന്നത വിജയം നേടിയവരെ ചടങ്ങില് ആദരിച്ചു.
ജില്ലാ പഞ്ചായത്ത് കരുവാരക്കുണ്ട് ഡിവിഷന് കീഴില് നടന്ന പ്രവേശനോത്സവം നീലാഞ്ചേരി ഗവ.ഹൈസ്കൂളില് നടന്നു. ജില്ലാ പഞ്ചായത്തംഗം ടി.പി അഷ്റഫലി ഉദ്ഘാടനം ചെയ്തു .പിടിഎ പ്രസിഡന്റ് യൂസഫ്, ഹെഡ്മാസ്റ്റര് ജോസ്കുട്ടി, കാസിം തുടങ്ങിയവര് സംസാരിച്ചു.
