കോഴിക്കോട്: യന്ത്രവല്ക്കരണംമൂലം തൊഴില് നഷ്ടപ്പെടുന്ന തൊഴിലാളികള്ക്ക് നഷ്ടപരിഹാരം നല്കണമെന്ന് ചുമട് മസ്ദൂര് സംഘം (ബിഎംഎസ്) കോഴിക്കോട് ജില്ലാ വാര്ഷികസമ്മേളനം ആവശ്യപ്പെട്ടു. ചുമട്ടുതൊഴില് മേഖലകളില് തൊഴിലെടുക്കുന്നവരുടെ ജോലി യന്ത്രവല്ക്കരണം മൂലം നഷ്ടപ്പെട്ടുകൊണ്ടിരിക്കുകയാണ്.
തൊഴിലാളികള്ക്ക് ലഭിക്കേണ്ടുന്ന തൊഴില് ഇല്ലാതാക്കുന്ന യന്ത്രവല്ക്കരണം അവസാനിപ്പിക്കുവാനും നഷ്ടപ്പെടുന്ന തൊഴിലിന് നഷ്ടപരിഹാരം നല്കുവാനും ബന്ധപ്പെട്ടവര് തയ്യാറാകണമെന്ന് കോഴിക്കോട്ടു ചേര്ന്ന ചുമട് മസ്ദൂര് സംഘം (ബിഎംഎസ്) വാര്ഷികസമ്മേളനം ആവശ്യപ്പെട്ടു.സമ്മേളനം ബിഎംഎസ് സംസ്ഥാന സെക്രട്ടറി വി.വി. ബാലകൃഷ്ണന് ഉദ്ഘാടനം ചെയ്തു. അരിക്കോത്ത് രാജന് അധ്യക്ഷത വഹിച്ചു. കെ. ശ്രീകുമാര്, എ.സി. വിനോദ്, കെ.പി. സുനില്കുമാര്, ചന്ദ്രഹാസന്, കെ.പി. രാജഗോപാല്, പ്രേമരാജന്, യൂണിയന് ജനറല് സെക്രട്ടറി പി. പരമേശ്വരന് എന്നിവര് സംസാരിച്ചു. ഭാരവാഹികളായി അരിക്കോത്ത് രാജന് (പ്രസിഡന്റ്), പി. പരമേശ്വരന് (ജനറല് സെക്രട്ടറി), കെ. പ്രേമരാജന് (ഖജാന്ജി) എന്നിവരെ തെരഞ്ഞെടുത്തു.
