പന്തളം: പ്രകടനമായെത്തിയ മാര്‍ക്‌സിസ്റ്റ് അക്രമികള്‍ പന്തളത്ത് അഴിഞ്ഞാടി. ടൗണില്‍ സ്ഥാപിച്ചിരുന്ന ബിജെപിയുടെ ബോര്‍ഡുകളും നശിപ്പിച്ചു. കടക്കാട് ജംഗ്ഷനില്‍ നിന്നും പ്രകടനം ആരംഭിച്ചപ്പോള്‍ മുതല്‍ മാര്‍ക്‌സിസ്റ്റുകാര്‍ അക്രമാസക്തരായിരുന്നു. പന്തളം ജംഗ്ഷനില്‍ ഏറെനേരം ഭീകരാന്തരീക്ഷം സൃഷ്ടിച്ച ശേഷമാണ് ഇവര്‍ പിരിഞ്ഞുപോയത്. ശനിയാഴ്ച രാത്രി അമ്പലക്കടവ് ജംഗ്ഷനില്‍ മാരകായുധങ്ങളുമായെത്തിയ സിപിഎമ്മുകാര്‍ അവിടെ പാര്‍ക്ക് ചെയ്തിരുന്ന വാഹനത്തിന്റെ ചില്ലുകള്‍ തകര്‍ക്കുകയും ബിജെപിയുടെ കൊടിമരങ്ങള്‍ നശിപ്പിക്കുകയും ചെയ്തു. സിപിഎം അക്രമത്തില്‍ ബിജെപി മുന്‍സിപ്പല്‍ കമ്മിറ്റി പ്രതിഷേധിച്ചു. പ്രസിഡന്റ് എം.ബിനുകുമാര്‍ അദ്ധ്യക്ഷതവഹിച്ചു. വൈസ് പ്രസിഡന്റ് കുളങ്ങര അശോകന്‍, കൗണ്‍സിലര്‍മാരായ കെ.വി.പ്രഭ, സുമേഷ്‌കുമാര്‍, ബിജെപി മുന്‍സിപ്പല്‍ കമ്മിറ്റി സെക്രട്ടറി അരുണ്‍ദേവ്, ജി.അരുണ്‍കുമാര്‍ തുടങ്ങിയവര്‍ പ്രസംഗിച്ചു.
Tuesday, November 26, 2024
പന്തളത്ത് മാര്‍ക്‌സിസ്റ്റുകാര്‍ അഴിഞ്ഞാടി; ബിജെപിയുടെ ബോര്‍ഡുകള്‍ നശിപ്പിച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: