ജിഷ്ണു
മണ്ണഞ്ചേരി: കുഞ്ഞ് ജിഷ്ണുവിന് ജീവിതത്തിലേക്ക് തിരിച്ചു വരാന് ലക്ഷങ്ങള് വേണം. എസ്എല്പുരം അഖിലിന്റെയും വിജയലക്ഷ്മിയുടെയും മകനായ മൂന്നു വയസുകാരനായ ജിഷ്ണുവാണ് ഹൃദയവാല്വിലെ തകരാര് മൂലം ജീവിതത്തിന്റെ നൂല്പ്പാലത്തിലൂടെ കടന്നു പോകുന്നത്. വേഗത്തിലുള്ള ഹൃദയമിടിപ്പിനെ തുടര്ന്ന് നടത്തിയ പരിശോധനയിലാണ് രോഗ വിവരമറിഞ്ഞത്.
അന്ന് തന്നെ ഡോക്ടര്മാര് ശാസ്ത്രക്രിയക്ക് നിര്ദ്ദേശിച്ചെങ്കിലുംകൂലിവേലക്കാരനായ പിതാവിന് ചികിത്സാചെലവ് താങ്ങാവുന്നതായിരുന്നില്ല. ഇപ്പോള്ശ്രീചിത്ര ആശുപത്രിയില് ചികിത്സയില് കഴിയുന്ന ജിഷ്ണുവിന് ശാസ്ത്രക്രിയക്ക് രണ്ടു ലക്ഷത്തില്പരം രൂപ വേണം.
സ്വന്തമായി കിടപ്പാടം പോലുമില്ലാത്ത ജിഷ്ണുവിന്റെ രക്ഷിതാക്കള്ക്ക് ഈ തുക അപ്രാപ്യമാണ്. സഹായത്തിനായി പല വാതിലുകളും മുട്ടിയെങ്കിലും നിരാശയായിരുന്നു ഫലം. ഹൃദ്രോഗിയായ അഖില് കുടുംബത്തിന്റെ പട്ടിണി മാറ്റാന് രോഗം വക വെക്കാതെ ഇപ്പോഴും പണിക്കു പോകുന്നുണ്ട്.
നിത്യവൃത്തിക്കുപോലും പണംതികയാത്ത ഈ കുടുംബത്തെ സഹായിക്കാന് കാരുണ്യമുള്ളവര് കനിയണം. കുരുന്നു ജീവന് നിലനിര്ത്താന് മാരാരിക്കുളത്തുകാര് കമ്മിറ്റി രൂപീകരിച്ച് മാതാവ് വിജയലക്ഷ്മിയുടെ പേരില് എസ്എല്പുരം ധനലക്ഷ്മി ബാങ്കില് അക്കൗണ്ട് തുടങ്ങി. നമ്പര്: 002700100034490 ഐഎഫ്സി കോഡ്: ഡിഎല്എക്സ്ബി0000027. ഫോണ്: 8089191221, 9605720145.
