തേങ്ങാപ്പാല് കറികള്ക്ക് മാത്രമല്ല രുചി നല്കുക. സൗന്ദര്യസംരക്ഷണത്തിനും തേങ്ങാപ്പാല് ഉത്തമമാണ്. ചര്മത്തിനും മുടിയ്ക്കും ഇത് ഏറ്റവും പറ്റിയ സൗന്ദര്യസംരക്ഷണമാര്ഗമാണെന്നു പറയാം. നാളികേരപ്പാല് വരണ്ട ചര്മത്തിന് ചേര്ന്ന നല്ലൊരു മോയിസ്ചറൈസറാണ്. വരണ്ട ചര്മമാണെങ്കില് നാളികേരപ്പാല് പുരട്ടി അര മണിക്കൂര് കഴിഞ്ഞ് കഴുകിക്കളയാം.
ഒരു കപ്പ് നാളികേരപ്പാലും അരക്കപ്പ് പനിനീരും ഇളംചൂടുവെള്ളത്തില് ചേര്ത്ത് കുളിച്ചാല് ചര്മത്തിന്റെ വരള്ച്ച മാറിക്കിട്ടും. നാളികേരപ്പാല്, ബദാം പൊടിച്ചത്, തേന് എന്നിവ ചേര്ത്ത മിശ്രിതം സൗന്ദര്യസംരക്ഷണത്തിന് പറ്റിയ മാര്ഗമാണ്. സൂര്യാഘാതത്തിന് പരിഹാരമായും നാളികേരപ്പാല് ഉപയോഗിക്കാം.
സണ്ബേണ് ഉണ്ടായ സ്ഥലത്ത് ഇത് നേരിട്ടു പുരട്ടാം. സോറിയാസിസ്, ഡെര്മറ്റൈറ്റിസ് തുടങ്ങിയ രോഗങ്ങള്ക്ക് പരിഹാരമായും നാളികേരപ്പാല് ഉപയോഗിക്കാനാവും. ഇതിലെ ഫാറ്റി ആസിഡ് ചര്മത്തിന്ല് നിന്നും അണുബാധയുണ്ടാക്കുന്ന ബാക്ടീരിയയെ നീക്കും. നാളികേരപ്പാലും രക്തചന്ദനപ്പൊടിയും കൂട്ടിച്ചേര്ത്ത് ചര്മത്തില് തേക്കുന്നതും നല്ലതാണ്. മുടിവളരാനും താരന്നശിപ്പിക്കാനും തേങ്ങാപ്പാല് സഹായിക്കും.
