കോഴിക്കോട്: കടുത്ത ത്രികോണ മത്സരം നടന്ന മലയോര മണ്ഡലങ്ങളില് കനത്ത പോളിംഗ് ആണ് രേഖപ്പെടുത്തിയത്. രാവിലെ മുതല് തന്ന നീണ്ടനിരയാണ് പല പോളിംഗ് ബൂത്തുകള്ക്കും മുന്നിലും കാണാനായത്. ഉച്ചയ്ക്കുശേഷം കനത്ത മഴയുണ്ടാകുമെന്ന അറിയിപ്പുണ്ടായിരുന്നതും ഇതിന് കാരണമായെന്ന് കരുതുന്നു. കോടഞ്ചേരി നെല്ലിപ്പൊയില് സെന്റ് തോമസ് എല്പി സ്കൂളിലെ ബൂത്തില് ഉച്ചയ്ക്ക് ഒന്നോടെ 61.05 ശതമാനം വോട്ടാണ് രേഖപ്പെടുത്തിയത്. മറ്റു പോളിംഗ് ബൂത്തുകളില് പോളിംഗ് ശതമാനം അന്പതു ശതമാനത്തിന് അടുത്തായിരുന്നു. മാവോയിസ്റ്റ് ഭീഷണിയുണ്ടായിരുന്ന ചെമ്പുകടവ് ഗവ. യുപി സ്കൂളിലെ മൂന്നു ബൂത്തുകളിലും ഉച്ചയോടെ പോളിംഗ് അന്പതു ശതമാനത്തിന് അടുത്തെത്തി. ഇതേസമയം മഞ്ഞുവയല് വിമല യുപിസ്കൂളില് നാല്പത്തിയൊന്പത് ശതമാനമായിരുന്നു പോളിംഗ്. ഉച്ചയ്ക്ക് ഒന്നോടെ കൊടുവള്ളി എല്പി സ്കൂളിലെ ബൂത്തില് പോളിംഗ് 48 ശതമാനമായിരുന്നു. വൈകീട്ട് മൂന്നോടെ എലത്തൂര് മണ്ഡലത്തിലെ കക്കോടി ഗവ. എല്പി സ്കൂളിലെ ബൂത്തില് വോട്ടിംഗ് ശതമാനം 66 ആയിരുന്നു.
മലയോര മണ്ഡലങ്ങളില് കനത്ത പോളിംഗ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.