കോഴിക്കോട്: ബിജെപിയുടെ മുന്നേറ്റത്തില് ജനങ്ങളെല്ലാം ഏറെ പ്രതീക്ഷയിലാണ്. ബിജെപിയുടെ മുന്നേറ്റം കേരളത്തില് വരാന് പോകുന്ന വികസനത്തിന്റെ മുന്നോടിയാണെന്ന് ബിജെപി കോഴിക്കോട് ജില്ലാ പ്രസിഡന്റ് ടി,പി. ജയചന്ദ്രന് മാസ്റ്റര് പറഞ്ഞു. കോഴിക്കോട് മുതലക്കുളം മൈതാനത്ത് നടന്ന എന്ഡിഎ മഹാസമ്മേളനത്തില് സംസാരിക്കുകയായിരുന്നു അദ്ദേഹം. സംസ്ഥാനത്തൊട്ടാകെയുള്ള ഭാരതീയ ജനതാ പാര്ട്ടിയുടെ മുന്നേറ്റം കണ്ട് എല്ഡിഎഫ്, യുഡിഎഫ് മുന്നണികള്ക്ക് സമനില തെറ്റിയിരിക്കുകയാണ്. കഴിഞ്ഞ 60 വര്ഷം ഇരുമുന്നണികളും മാറിമാറി ഭരിച്ച് കോഴിക്കോടിന്റെ വികസന സങ്കല്പ്പം തന്നെ തകിടം മറിച്ചു. അതിനു തെളിവാണ് മാവൂര് ഗ്വാളയോര് റയോണ്സ് പൂട്ടിയതും, കുന്നത്തറ ടെക്സ്റ്റൈല് പൂട്ടിയതും, കല്ലായി തടി വ്യവസായം അസ്തമിച്ചതും, ഫറോക്കിലെ ഓട് വ്യവസായം നിലച്ചതുമെല്ലാം. ഏക്കര് കണക്കിന് ഭൂമി വെറുതെ കിടക്കുന്നു. അത് ജനങ്ങള്ക്കോ, വ്യവസായങ്ങള്ക്കോ നല്കുന്നില്ല. കയറും കശുവണ്ടിയും ഉത്പാദനം തന്നെ ഇല്ലാതായിരിക്കുന്നു. ഒട്ടേറെ യുവാക്കളുടെ തൊഴിലവസരങ്ങളാണ് ഇതിലൂടെ നഷ്ടമായിരിക്കുന്നത്. ഇങ്ങനെ കോഴിക്കോടിന്റെ വികസനത്തെ വളരെ ഏറെ പുറകോട്ട് നയിച്ച ഇവര്ക്കാണോ ജനം വോട്ടുചെയ്യേണ്ടതെന്ന് ചിന്തിക്കണം. ആരോഗ്യ രംഗത്ത് വികസന പ്രവര്ത്തനങ്ങള്ക്കായി 145 കോടി രൂപ കേന്ദ്രം നല്കി എന്നാല് അത് വേണ്ട വിധം വിനയോഗിക്കുന്നില്ല. അതിനു തെളിവാണ് ബീച്ച് ഹോസ്പിറ്റലിലും മെഡിക്കല് കോളജിലും ഡോക്ടര്മാര് ഇല്ലാത്തതും, മരുന്നില്ലാത്തതും. അത്യാധുനിക സംവിധാനങ്ങളില്ലാത്തതും, കോഴിക്കോടിന്റെ ഗതാഗതത്തെയും ഇവര് വഴിമുട്ടിച്ചു. ദുരിതപൂര്ണ്ണമാണ് നഗരത്തിലൂടെയുള്ള യാത്ര, എല്ഡിഎഫ്, യുഡിഎഎഫ് ഒത്തുകളിയുടെ ഉല്പ്പന്നമാണ് മാനാഞ്ചിറ വെള്ളിമാട്കുന്ന് റോഡ്, ഇരു മുന്നണികളും നശിപ്പിച്ച് നാമാവശേഷമാക്കിയ കോഴിക്കോടിന്റെ പുനഃസൃഷ്ടിയാണ് ബിജെപി മുന്നോട്ടു വക്കുന്നത്. ബിജെപിയിലൂടെ മാത്രമേ കോഴിക്കോടിന്റെ പുനഃസൃഷ്ടി ഇനി സാധ്യമാവുകയുള്ളു എന്നും അദ്ദേഹം പറഞ്ഞു.
ബിജെപിയുടെ മുന്നേറ്റം കേരളത്തില് വരാന് പോകുന്ന വികസനത്തിന്റെ മുന്നോടി: ടി.പി. ജയചന്ദ്രന് മാസ്റ്റര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.